මෙරටට කන්ටේනර් භාණ්ඩ බහාලුමක දමා සූක්ෂ්ම අයුරින් නැව්ගත් කර එවූ ගංජා අඩංගු ටින් 20 ක් සොයාගැනීමට ශ්රී ලංකා රේගු අධිකාරිය සමත් ව තිබෙනවා.
රේගු මාධ්ය ප්රකාශක; අතිරේක අධ්යක්ෂ ජනරාල් සීවලී අරුක්ගොඩ මහතා පැවසුවේ දෙසැම්බර් මස 04 වැනි දින අදාළ කන්ටේනර් රථය ගාල් කර ඇති බවත් රේගු නිලධාරින්ට ලද බුද්ධි තොරතුරක් මත කැනඩාවේ සිට නැව්ගත කර එවූ බවට සැලකෙන මෙම කැනබීස් හෙවත් ගංජා තොගය සොයාගත් බවයි.
මෙම මත්ද්රව්ය තොගය වවුනියාවේ සහ කළුතර ලිපින වෙත යොමු කර තිබෙනවා.
කළුතර දකුණ ප්රදේශයේ පුද්ගලයෙකු වෙත එවූ එක් පාර්සලයක ගංජා ඇසිරූ ටින් 08ක් තිබී ඇති බවයි වාර්තා වන්නේ.
මත්ද්රව්ය පාලන ඒකකයේ වාර්තාවට අනුව ගංජා ග්රෑම් 5,324ක් සහ වව්නියාවට යැවීමට එවූ පැකට් තොගයේ බර ග්රෑම් 1755ක්.
එහි වෙළෙඳපොළ වටිනාකම වෙන වෙන ම ගත් කළ රු. 31,994,000ක් සහ රුපියල් 10,530,000ක් බවත් වාර්තා වනවා.
අත්අඩංගුවට ගත් මත්ද්රව්ය තොගය ඉදිරි විමර්ශන සහ අවශ්ය නීතිමය කටයුතු සඳහා පොලිස් මත්ද්රව්ය නාශක කාර්යාංශය වෙත භාරදීමට කටයුතු කෙරුණා.
