භාරතය පරදා ඕස්ට්‍ර්ලියාවට විශිෂ්ට ජයක්

සංචාරක ඉන්දියාව සහ ඕස්ට්‍ර්ලියාව අතර තරග පහකින් සමන්විත ටෙස්ට් තරගාවලියේ දෙවන තරගයේ විශිෂ්ට ජයක් වාර්තා කරන්නට ඕස්ට්‍ර්ලියාවට අද (08) හැකියාව ලැබුණා.

ඉන්දියාව පරදා ඕස්ට්‍ර්ලියාව මෙම තරගය ජයගත්තේ කඩුලු 10 කින්.

ඇඩිලේඩ් හිදී දිවා රාත්‍රී තරගයක් ලෙස පැවති මෙම තරගයේ පළමුව පන්දුවට පහර දුන් ඉන්දියාව පළමු වෙනුවෙන් සියල්ල දැවී ලකුණු 180ක් රැස් කළා.

ඉන්දීය පළමු ඉනිම සුනු විසුනු කළ වේග පන්දු යවන ක්‍රීඩක මිචෙල් ස්ටාක් කඩුලු 06ක් බිඳ දැමුවා.

අනතුරුව පළමු ඉනිම ක්‍රීඩා කළ ඕස්ට්‍ර්ලියාව ලකුණු 337ක් සිය ලකුණු පුවරුවට එක් කළ අතර, එහිදී ට්‍රැවිස් හෙඩ් ලකුණු 140 රැස්කරමින් පළමු ඉනිමේ වැඩිම ලකුණු ලාභියා බවට පත් වුණා.

එහිදී ජස්ප්‍රිත් බුම්රා සහ මොහොමඩ් සිරාජ් කඩුලු 04 බැගින් බිඳ දැමුවා.

අනතුරුව ඕස්ට්‍ර්ලියා පළමු ඉනිමට වඩා ලකුණු 157ක් පසු පසින් සිටිමින් දෙවන ඉනිම ආරම්භ කළ ඉන්දියාව දෙවන ඉනිම සඳහා ඔවුන්ට සියල්ලන් දැවී රැස්කරගත හැකි වූයේ ලකුණු 175ක් පමණයි.

ඉන්දීය දෙවන ඉනිම කඩා බිද දැමු නායක පැට් කමින්ස් කඩුලු 05ක් සහ ස්කොට් බෝලන්ඩ් කඩුලු 03ක් බිද දැමුවා.

ඒ, අනුව ජයග්‍රහණය සඳහා ඕස්ට්‍ර්ලියාවට හිමි වූ ඉලක්කය ලකුණු 19ක්.

එම ඉලක්කය කිසිදු කඩුල්ලක් නොදැවී පසුකර ගිය ඕස්ට්‍ර්ලියාව මෙම තරගය ජයගෙන තරග පහකින් සමන්විත තරගාවලිය එකට එකක් ලෙස සම තත්තත්වයට රැගෙන ආවා.