පාර්ලිමේන්තුවේ පළමු සභා වාරය අද (05) තෙවැනි දිනයටත් රැස්වනවා.
පෙරේදා (03) ආරම්භ වූ පළමු සභා වාරයේ පළමු දිනයේ සිට ඊයේ දින දක්වා පාර්ලිමේන්තුවේ දී ජනාධිපති අනුර කුමාර දිසානායක මහතා සිය රාජාසන කතාවෙන් ඉදිරිපත් කළ ආණ්ඩුවේ ප්රතිපත්ති ප්රකාශය පිළිබඳ ව විවාදය පැවැත්වුණා.
එම විවාදය ඊයේ පෙරවරු 9.30 සිට පස්වරු 5.30 තෙක් පැවැත්වුණු අතර කිසිදු ඡන්ද විමසීමකින් තොරව පාර්ලිමේන්තුවේ ඒකමතික තීන්දුවෙන් ප්රතිපත්ති ප්රකාශය සම්මත වීම සිදු කෙරුණා.
ඉන් අනතුරුව කතානායක ප්රමුඛ පක්ෂ නායකයින්ගේ තීන්දුවෙන් ඊයේ පස්වරු 5.30 සිට රාත්රී 9.30 දක්වා පාර්ලිමේන්තුවේ කල් තැබීමේ විවාදයක් පැවැත්වුණේ ආපදා තත්ත්වයෙන් පීඩාවට පත්වූවන් සම්බන්ධයෙන් වුණු විවාදයක් ද සිදු කරමින්.
ඉන් අනතුරුව මූලාසනාරූඪ මන්ත්රී විසින් අද පෙරවරු 9.30 තෙක් පාර්ලිමේන්තුව කල් තැබීම සිදු කෙරුණා.
