වනඅලි රංචුවක් කැකිරාව – මහ ඉලුප්පල්ලම නගරයට කඩා වැදීමෙන් ගම්වාසීන් කලබලයට පත් ව තිබෙනවා.
දසත ප්‍රාදේශීය වාර්තාකරු පැවසුවේ තිදෙනෙකුගෙන් යුත් වනඅලි පිරිසක් ඊයේ (03) රාත්‍රී 09ට පමණ මෙලෙස ගම් වැදී ඇති බවයි.
මහ ඉලුප්පල්ලම නගරය හරහා වැටී ඇති කැකිරාව – තලාව ප්‍රධාන මාර්ගය හරහා ගමන් කරන එම වනඅලින්ගෙන් යතුරුපැදිකරුවෙකු ද සිය දිවි බේරාගෙන ඇත්තේ ඉතා අසීරුවෙන් බවත් ප්‍රාදේශීය වාර්තාකරු පැවසුවා.
මහ ඉලුප්පල්ලම නගරයට කඩා වැදී සිටින වනඅලි රංචුව මේ වනවිට මහඉලුප්පල්ලම පාසැල, බහු කාර්ය ගොඩනැගිල්ල හා ක්ෂේත්‍ර බෝග පර්යේෂනායතනය වැනි රාජ්‍ය ආයතන ඇතුළු ප්‍රදේශවල සැරිසරන බව වාර්තා වනවා.
මහ ඉලුප්පල්ලම නගරයට වනඅලි කඩා වැදී සිටීම හේතුවෙන් තලාව – කැකිරාව ප්‍රධාන මාර්ගයේ ගමන් ගන්නා පිරිස් ඉලුප්පල්ලම නගරය ආශ්‍රිත ප්‍රදේශයේ දී සුපරික්ෂාකාරීව ගමන් ගන්නා ලෙස ඉපලෝගම පොලිස් රථවාහන අංශය දැනුම්දීමක් කරනවා.
wpDiscuz
