කැලැන්ඩර් වර්ෂයක් තුළ ටෙස්ට් ක්රිකට් ක්රීඩාවේ වැඩිම හයේ පහරවල් සංඛ්යාවක් එල්ල කළ පිතිකරුවා බවට පත්වීමට ඉන්දීය ආරම්භක පිතිකරු යෂස්වි ජයිස්වාල්ට අද හැකියව ලැබුණා.
සත්කාරක ඕස්ට්රේලියාව සමඟ පැවැත්වෙන පළමු ටෙස්ට් තරගයේ ඉන්දීය දෙවන ඉනිම වෙනුවෙන් ඔහු එල්ල කළ හයේ පහරවල් දෙකත් සමඟ ජයිස්වාල් මෙම ලෝක වාර්තාව පිහිටවනු ලැබුවා.
24 හැවිරිදි ජයිස්වාල් මෙම වසරේ දී ටෙස්ට් තරඟ 12 කදී හයේ පහර 34ක් එල්ල කර ඇති අතර, මීට පෙර කැලැන්ඩර් වර්ෂයක් තුළ ටෙස්ට් පිටියේ වැඩිම හයේ පහර සංඛාවක් එල්ල කර ලෝක වාර්තාවට නවසීලන්ත හිටපු ක්රීඩක බ්රෙන්ඩන් මැකලම් හිමිකම් කීවා.
මීට පෙර බ්රෙන්ඩන් මැකලම් විසින් කැලැන්ඩර් වර්ෂයක් තුළ ටෙස්ට් පිටියේ හයේ පහර 33ක් එල්ල කර තිබුණා.
යෂස්වි ජයිස්වාල් විසින් ඕස්ට්රේලියානු දඟ පන්දු යවන ක්රීඩක නේතන් ලියොන්ගේ පන්දුවකට ලෝන්ග් ඔන් හරහා දැවැන්ත හයේ පහරක් එල්ල කරමින් මැකලම්ගේ ලෝක වාර්තාව අද මෙලෙස අභිබවා ගියා.
ඕස්ට්රේලියාව සහ ඉන්දියාව අත්රාග් පැවැත්වෙන පළමු ටෙස්ට් තරගයේ දී දෙවන ඉනිම වෙනුවෙන් යෂස්වි ජයිස්වාල් පන්දු 193කට මුහුණ දෙමින් ලකුණු 90ක් නොදැවී රැස්කරගෙන සිටිනවා.
All the best