සමගියේ අවුල අවසන් – ජාතික ලැයිස්තුවේ මන්ත්‍රී ධුර නම්කරයි

සමගි ජන බලවේගයේ පාර්ලිමේන්තු ජාතික ලැයිස්තුව මේ වනවිට සකසා අවසන් බව එම පක්ෂයේ පාර්ලිමේන්තු මන්ත්‍රී අජිත් පී පෙරේරා පවසනවා.

ඊයේ (29) රාත්‍රියේ විකාශය වූ ‘දසත කස්තිරම’ සජීවී දේශපාලන වැඩසටහනට එක් වෙමින් මන්ත්‍රීවරයා මේ බව සඳහන් කළා.

ජාතික ලැයිස්තු මන්ත්‍රී ධුර සඳහා තෝරාගැනීම යම් ක්‍රියාමාර්ගයක් ඔස්සේ සිදුකර බවයි ඔහු මෙහිදී වැඩිදුරටත් පැවසුවේ.

ඒ, අනුව එළඹෙන 03 වනදා පාර්ලිමේන්තු සභාවාරයට සමගි ජන බලවේගයේ ජාතික ලැයිස්තු මන්ත්‍රීවරුන් යොමු කිරීමේ හැකියාව ඇති බවයි මන්ත්‍රීවරයා මෙහිදී වැඩිදුරටත් සඳහන් කර සිටියේ.

සමගි ජන බලවේගයේගයට මෙවර පාර්ලිමේන්තු මැතිවරණයෙන් ජාතික ලැයිස්තුව මන්ත්‍රී ධුර 05ක් හිමි වූ අතර, එම මන්ත්‍රී දුර පහ බෙදාගැනීමේ දී පක්ෂය තුළ යම් අර්බුදකාරී තත්ත්වයක් මතුව තිබුණා.

ඒ, අතර වාරයේ හිමිව තිබූ ජාතික ලැයිස්තුව මන්ත්‍රී ධුර පහෙන් එක මන්ත්‍රී ධුරයක් සඳහා පක්ෂයේ මහ ලේකම් රංජිත් මද්දුම බණ්ඩාරගේ නම මැතිවරණ කොමිෂන් සභාව වෙත යොමුකරනු ලැබුවා.

කෙසේ වෙතත් ඉතිරිව තිබූ මන්ත්‍රී ධුර හතර සඳහා අදාළ මන්ත්‍රීවරුන් පත්කර ඇති බවයි පාර්ලිමේන්තු මන්ත්‍රී අජිත් පී පෙරේරා මෙහි දී වැඩිදුරටත් සඳහන් කර සිටියේ.