කතුරු ඔංචිල්ලාවක කොණ්ඩය පැටලී සිදු වූ අනතුරකින් දැරියකගේ හිස්කබල අහිමි වූ පුවතක් අසල්වැසි ඉන්දියාවෙන් වාර්තා වනවා.
උත්තර් ප්‍රදේශ් ප්‍රාන්තයේ කන්නවුජ් ප්‍රදේශයේ පැවති සැණකෙළියක ඔංචිල්ලාවක ගමන් ගත් වයස අවුරුදු 13ක අනුරාධා කතේරියා නැමැති දැරියක් මෙම අවාසනාවන්ත සිදුවීමට මුහුණ පා ඇති බවයි වාර්තා වුණේ.
අදාළ සිදුවීම අසල සිටි අයෙක් වීඩියෝ ගතකර සමාජ මාධ්‍ය වෙත මුදාහැර තිබෙනවා.
කතුරු ඔංචිල්ලාව නතර වන විට ඇයගේ සම්පූර්ණ හිස් කබල ඉරී ගොස් එය ඔංචිල්ලාවේ එල්ලී ඇති ආකාරය එම වීඩියෝවේ දැක්වෙනවා.
පසුගිය සෙනසුරාදා සවස මෙම සිදුවීම සිදුව ඇති අතර, එහිදී දැරිය වහාම ගුර්සහයිගන්ජ් හි පිහිටි පෞද්ගලික රෝහලකට ඇතුළත් කිරීමට කටයුතු කර ඇති බවයි වාර්තා වුණේ.
කෙසේ වෙතත් ඇයගේ තත්ත්වය බරපතළ වීම හේතුවෙන් දැරිය වැඩිදුර ප්‍රතිකාර සඳහා ලක්නව් හි රෝහලක් වෙත මාරුකර යවා තිබෙනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
