බංග්ලාදේශ ක්රිකට් කණ්ඩායමේ කඩුලු රකින ක්රීඩක මුෂ්ෆිකර් රහීම් ආබාධයකට ලක් ව තිබෙනවා.
බංග්ලාදේශ ක්රිකට් කණ්ඩායමේ අභ්යන්තර ආරංචි මාර්ග පවසන්නේ; මේ හේතුවෙන් නොවැම්බර් 09 එනම් අනිද්දා දිනයේ දී පැවැත්වීමට නියමිත ඇෆ්ගනිස්තානයට එරෙහි දෙවැනි එක්දින තරගය මුෂ්ෆිකර් හට අහිමි වන බවයි.
ඇෆ්ගනිස්තානයට එරෙහිව ඊයේ (06) පළමු එක්දින තරගය සාජා නුවර දී දෙරට අතර පැවැත්වුණු අතර එහිදී මුෂ්ෆිකර් රහීම් ආබාධයකට ලක් වුණා.
ඔහුගේ එක් අතක ඇඟිලිවල අස්ථි බිඳීමක් සිදුව ඇති බවයි වාර්තා වන්නේ.
මේ හේතුවෙන් ඇෆ්ගනිස්තානයට එරෙහිව පැවැත්වෙන ඉතිරි තරග දෙක ම ඔහුට අහිමි වන බවත් මේ මස අග දී කොදෙව්වන්ට එරෙහිව පැවැත්වෙන සංචාරයට ද මුෂ්ෆිකර්ගේ සහභාගීත්වය තවමත් නිශ්චිත නොවන බවත් වාර්තා වනවා.
වම් අතේ ආබාධයකට ලක් ව සිටින මුෂ්ෆිකර්ගේ පුරප්පාඩුව වෙනුවෙන් ජේකර් අලි කඩුලු රැකීමේ රාජකාරිය ඉටු කරනු ඇතැයි විශ්වාස කෙරෙනවා.
ලිට්න් ඩාස් ද වෛරස උණ ආසාදිතව තවමත් ප්රතිකාර ලබන බවත් ඔහු සංචිතයට එබැවින් එක් කර නොමැති හෙයින් ඔහු සුව වුණ ද තරගාවලියට කැඳවිය නොහැකි බවත් වාර්තා වනවා.
