මූල්‍ය වර්ෂයේ මුල් මාස හතර තුළ ආදායම් හිඟය පවතින පසුබිමක, ආදායම ඉහළ නැංවීම සඳහා තවත් පියවර ගන්නා ලෙස ජාත්‍යන්තර මූල්‍ය අරමුදල (IMF) පාකිස්තානයෙන් ඉල්ලා තිබෙනවා.
මීට අමතරව, බදු ඉලක්කය සමාලෝචනය කරන ලෙස පාකිස්තානය කළ ඉල්ලීම ද ජාත්‍යන්තර මූල්‍ය අරමුදල ප්‍රතික්ෂේප කර ඇතැයි මාධ්‍ය වාර්තා කළා.
ෆෙඩරල් ආදායම් මණ්ඩල ආරංචි මාර්ග උපුටා දක්වමින් එරට මාධ්‍ය වාර්තා කළේ බදු ඉලක්කය සමාලෝචනය කිරීම සඳහා රජය ජාත්‍යන්තර මූල්‍ය අරමුදල අතථ්‍ය රැස්වීමකදී ඉල්ලීමක් කළ නමුත් ණය දෙන ආයතනය එම ඉල්ලීම ප්‍රතික්ෂේප කළ බවයි.
ආදායම් හිඟය හමුවේ IMF පැකේජයේ දෙවන වාරිකය ලබා ගැනීමේදී රටට දුෂ්කරතාවන්ට මුහුණ දිය හැකි බව අදාළ ආරංචි මාර්ග පෙන්වා දී තිබෙනවා.
එබැවින් ඉදිරි මාසවල හිඟය ගණනය කිරීමෙන් පසු ආදායම වැඩි කර ගැනීමට රජය පියවර ගත යුතු වනවා.
කෙසේවෙතත් ෆෙඩරල් ආදායම් මණ්ඩලය මෙම වාර්තා ප්‍රතික්ෂේප කර තිබූ අතර IMF සමග පැවති කිසිදු සාකච්ඡාවක දී මෙම කාරණා න්‍යායය පත්‍රයේ නොතිබූ බව අවධාරණය කරනවා.
