Empty Ad
AFC Banner
Empty Ad

මියගිය සරසවි සිසුවියන් දෙදෙනාගේ අවසන් කටයුතු ගැන ආරක්ෂක අමාත්‍යාංශයෙන් දැනුම්දීමක්

කොතලාවල ආරක්‍ෂක විශ්වවිද්‍යාලයේ දක්‍ෂිණ මණ්ඩපයේ (සූරියවැව) පිරිසක් රැගත් බස්රියක් බදුල්ල ප්‍රදේශයේ දි රිය අනතුරකට භාජනය වීම සම්බන්ධව ආරක්ෂක අමාත්‍යාංශය විශේෂ නිවේදනයක් නිකුත් කර තිබෙනවා.

එම නිවේදනය ප්‍රකාරව ආරක්ෂක අමාත්‍යාංශය සඳහන් කර ඇත්තේ; මියගිය සිසුවියන් දෙදෙනාගේ අවසන් කටයුතු කොතලාවල ආරක්‍ෂක විශ්වවිද්‍යාලයේ පූර්ණ අනුග්‍රහය යටතේ සිදු කිරීමට අවශ්‍ය කටයුතු සූදානම් කොට ඇති බව එම විශ්වවිද්‍යාලයේ උපකුලපතිවරයා ප්‍රකාශ කළ බවයි.

ආරක්‍ෂක ලේකම්වරයාගේ උපදෙස් පරිදි අවශ්‍ය වුවහොත් වැඩිදුර ප්‍රතිකාර සඳහා රෝගීන් කොළඹට ගෙන ඒමට ශ්‍රී ලංකා ගුවන් හමුදා බෙල් 412 වර්ගයේ හෙලිකොප්ටර් යානයක් මේ වන විට දියතලාව ගුවන් හමුදා කඳවුරේ ස්ථානගත කර තිබෙන බව ද වාර්තා වනවා.

ලැබී ඇති තොරතුරු අනුව, බස් රථයේ ඇති වූ කාර්මික දෝෂයක් හේතුවෙන් අනතුර සිදු වී ඇතැයි විශ්වාස කෙරෙන බවත් නිවේදනයේ සඳහන්.

මෙම අනතුර සිදු වූ මොහොතේ අනතුරින් තුවාල ලැබූවන් එම ස්ථානයෙන් ඉවත් කර ගැනීමටත් ඔවුන් කඩිනමින් රෝහල්ගත කිරීමටත් ක්‍රියා කළ ප්‍රදේශවාසීන් ඇතුළු සියලු දෙනාට හා වෛද්‍ය පාලිත රාජපක්‍ෂ මහතා ඇතුළු රෝහල් කාර්ය මණ්ඩලය වෙත ආරක්‍ෂක අමාත්‍යාංශය සිය ස්තුතිය ද නිවේදනය මගින් පුද කර සිටිනවා.

කොතලාවල ආරක්‍ෂක විශ්වවිද්‍යාලයේ පිරිසක් ගමන් ගනිමින් සිටි බස් රථයක් දුන්හිඳ – බදුල්ල මාර්ගයේ අඹගස් හන්දිය ප්‍රදේශයේදී අද (01) දින උදෑසන 7.45 ට පමණ අනතුරට ලක් වුණු අතර එහි ගමන් කරමින් සිටි සිසුවින් දෙදෙනකු ජීවිතක්ෂයට පත්ව 40 දෙනෙකු තුවාල ලැබුවා.

කොතලාවල ආරක්‍ෂක විශ්වවිද්‍යාලයේ 39 වන පාඨමාලාවට අයත් සිසු සිසුවියන් 36 දෙනෙක්, කථිකාචාර්යවරුන් 03 දෙනෙක්, එම කණ්ඩායම භාරව කටයුතු කළ උපදේශකවරයෙක්, බස් රථය භාරව ගමන් කළ ජ්‍යෙෂ්ඨ හමුදා සාමාජිකයෙක් හා බස් රථයේ රියදුරා ඇතුළු 42 දෙනෙක් මෙම පිරිසට අයත් වුණා.

මියගිය සිසුවියන් දෙදෙනා කුරුණෑගල හා නිවිතිගල පදිංචිකාරියන් වන අතර, තුවාල ලබා ඇති සිසුන් මේ වන විට බදුල්ල මහ රෝහලේ ප්‍රතිකාර ලබන බවත්, ඉන් 07 දෙනෙකු දැඩි සත්කාර ඒකකයට ඇතුළත් කොට ඇති බවත් එක් අයෙකුගේ තත්ත්වය බරපතළ බවත් වාර්තා වනවා.

ඔබේ ප්‍රතිචාරය කුමක්ද ?
+1
0
+1
1
+1
0
+1
1
+1
15
+1
2
+1
0
Subscribe
Notify of
0 Comments
Oldest
Newest Most Voted
Inline Feedbacks
සියලු ප්‍රතිචාර බලන්න !
අපගේ නවතම වීඩියෝ පුවත්
Video thumbnail
ආණ්ඩුවට ගම්මන්පිල උන්හිටි තැන් නැති වෙන්නම දෙසයි
15:27
Video thumbnail
‍රට වැටිලා ඉද්දි ගොඩගත්තඑකම නායකයා අපේ රනිල් විතරයි
09:13
Video thumbnail
හික්කඩුවේ වෙ#ඩි තැබීමේ දැන් ලැබුණු දර්ශන - එක් පුද්ගලයෙක් ජීවිතක්ශයට
03:47
Video thumbnail
හෙට ලංකාවට සම්ප්‍රාප්තවන අසල්වැසි අමුත්තෙක්
02:05
Video thumbnail
මේ මොකක්ද මේ සජබ රැළියේ එක පාරම වුණේ - බලන් හිටපු අයත් පුදුම වූ සිද්දිය
18:44
Video thumbnail
රනිල්ගේ කෝට් එකත් එල්ලෙනවා දැන් ඇතුලෙන් ඇඟම බැහලා
00:43
Video thumbnail
ඇමරිකාව ගහපු බදු ගැන රජයෙන් පැහැදිලි කිරීමක්
10:46
Video thumbnail
ලාල්කාන්තත්, සජිත් - රනිල්ට රිදෙන්නම දීපු හින්ට් එක
14:52
Video thumbnail
පිටින් නෙවෙයි ගෙනාවේ ගමෙන් තමයි ගෙනාවේ කිය කියා සජබේ රැළියට සෙනඟ ඇදපු හැටි
05:48
Video thumbnail
හේ.....යි, රාජාංගනේ සාදුටත් ඕමල්පේ හිමි දුන්SHOT එක POINT එකටම වදී
07:44
<p>?</p>