අර්බුදයට තුඩු දුන් 2024; 5 ශ්රේණිය ශිෂ්යත්ව විභාගය යළි නොපැවැත්වීමට තීරණය කර තිබෙනවා.
මීට ටික වේලාවකට (14) පෙර පැවති මාධ්ය හමුවකදී විභාග කොමසාරිස් ජනරාල් අමිත් ජයසුන්දර මහතා මේ බව සඳහන් කළා.
මේ වනවිට විභාග දෙපාර්තමේන්තුවේ විභාග කොමසාරිස් ජනරාල්වරයා, විශේෂඥ කමිටු මණ්ඩලය සහ තවත් පාර්ශ්ව සමග පැවති අවසන් සාකච්ඡාවේදීයි අදාළ තීරණය ගෙන ඇත්තේ.
විභාග කොමසාරිස්වරයා සඳහන් කළේ; විශේෂඥ කමිටුව විසින් නිර්දේශ කරනු ලැබ ඇත්තේ කිසිදු අයුරකින් විභාගය නැවත පැවැත්වීමේ අවශ්යතාවක් නොමැති බවත්; විභාගයට පූර්වයෙන් නිකුත් වී ඇත්තේ පළමු ප්රශ්න පත්රයේ ප්රශ්න අංක 05, 13 හා 27 බවත්; ඒ සඳහා නිදහස් ලකුණු පිරිනැමීමට තීරණය කර ඇති බවයි.
එබැවින් අදාළ ප්රශ්න ත්රිත්ත්වය සඳහා පිළිතුරු ලියූ හෝ නොලියූ සෑම විභාග අපේක්ෂකයෙකුටම අදාළ නිදහස් ලකුණ පිරිනැමීමට කටයුතු කරනු ඇති.
එම ලකුණු පිරිනැමීමේ ක්රියාවලිය සහ ඇගයීම් සිදු කරන ආකාරය සම්බන්ධයෙන් ඉදිරියේ දී දැනුවත් කිරීමට පියවර ගන්නා බව ද විභාග දෙපාර්තමේන්තුව නිවේදනය කළා.
වැටත් කියලත් ගොයම් කපා නම් කාට කියමුද ඒ අමාරුව.
වි.කෝ ඇතුළු වි.දෙපාර්තමේන්තුව ජාතික විභාග පිළිබඳ ජනතාව අතර ඇති විශ්වාසය වරින් වර බිඳ වට්ටලා තියෙනවා. මේ විභාග කොමසාරිස් මද දිගටම ඉන්නෙ. බලධාරීන්ට ඇස් පේන්නේ නැද්ද?