ජාත්‍යන්තර විස්සයි විස්ස පිටියේ දී ඉන්දියාව වෙනුවෙන් විරාට් කෝලි පිහිටුවා තිබූ වාර්තාවක් බිඳ දමන්නට තං ඉරියව් ක්‍රීඩක හර්දික් පාණ්ඩ්‍යාට ඊයේ (06) රාත්‍රියේ හැකියාව ලැබුණා.
ඒ, ඉන්දියාව වෙනුවෙන් වැඩිම අවස්ථා ගණනක දී හයේ පහරකින් 20-20 තරගයක් අවසන් කළ ක්‍රීඩකයා බවට පත් වෙමින්.
හර්දික් පාණ්ඩ්‍යා ඊයේ බංග්ලාදේශය සමඟ පැවති පළමු 20-20 තරගය ද හයේ පහරකින් අවසන් කරමින් ඉන්දියාවට ජයග්‍රහණය හිමිකර දුන්නා.
ඒ, අනුව පාණ්ඩ්‍යා අවස්ථා පහක දී හයේ පහරකින් 20-20 තරග පහක් අවසන් කර තිබෙනවා.
මීට පෙර එම වාර්තාව සුපිරි ක්‍රීඩක විරාට් කෝලිගේ නම ඉදිරියේ ලිය වී තිබුණේ අවස්ථා හතරක දී හයේ පහරකින් 20-20 තරග හතරක් අවසන් කරමින්.
මේ අතර ඊයේ තරගයේ දී හර්දික් පාණ්ඩ්‍යා දවාගත් කඩුල්ලත් සමඟ ඉන්දියාව වෙනුවෙන් විස්සයි විස්ස තරගවල වැඩිම කඩුලු දවාගත් පන්දු යවන්නන් අතර සිව්වන ස්ථානය දක්වා ඉහළට පැමිණියා.
ඒ, අනුව පාණ්ඩ්‍යා මේ වනවිට ඉන්දියාව වෙනුවෙන් ජාත්‍යන්තර 20-20 තරග 103කට ක්‍රීඩා කරමින් කඩුලු 87ක් බිඳ දමා තිබෙනවා.
