නවක ශ්‍රී ලංකා ක්‍රිකට් ක්‍රීඩක ප්‍රවීන් ජයවික්‍රමට තරග තහනමක් පනවා තිබෙනවා.
ඊයේ (02) පස්වරුවේ ජාත්‍යන්තර ක්‍රිකට් කවුන්සිලය විසිනුයි ඔහුට තරග තහනම පනවා ඇත්තේ.
ඒ දූෂණ විරෝධී නීති සංග්‍රහය කඩ කිරීම හේතුවෙන්.
මෙම වමත් දඟ පන්දු යවන්නා හට වසරක කාලයක් අදාළ තහනම බලපැවැත්වෙනු ඇති.
තමන්ට ලංකා ප්‍රීමියර් ලීග් තරගාවලියේ දී තරග පාවාදීමකට කළ ඇරයුම පිළිබඳව පැමිණිල්ල සිදු කිරීමට ප්‍රමාද වීම ප්‍රවීන්ට එල්ල වී ඇති චෝදනාවයි.
ACU (දූෂණ විරෝධී ඒකකය)පරීක්ෂණයකට බාධා කිරීම හෝ ප්‍රමාද කිරීම සම්බන්ධ අංක 2.4.7 වගන්තිය කඩ කළ බව ප්‍රවීන් ජයවික්‍රම පිළිගෙන තිබෙනවා.
