ජපානයේ නව අග්‍රාමාත්‍යවරයා ලෙස ෂිගෙරු ඉෂිබා (Shigeru Ishiba) පත් ව තිබෙනවා.
රොයිටර්ස් පුවත් සේවය වාර්තා කළේ; අද (01) පෙරවරුවේ නව අග්‍රාමාත්‍යවරයා පත් වූ බවත් ඔවුන්ගේ නව කැබිනට් මණ්ඩලය ද එළිදැක්වුණු බවයි.
ජපානයේ දේශපාලනික අර්බුදයක් ඇති ව තිබෙන පසුබිමක දී ඔක්තෝබර් 27 ඔවුන් හදිසි මැතිවරණයකට පිවිසීමට බලාපොරොත්තුවෙන් සිටියදී නව අග්‍රාමාත්‍යවරයෙකුගේ ආගමනය සිදු වීම ද විශේෂ බවටයි විදෙස් මාධ්‍ය වාර්තා කරන්නේ.
පසුගිය සතියේ පාලක ලිබරල් ඩිමොක්‍රටික් පක්ෂයට (එල්ඩීපී) නායකත්වය දීම සඳහා දැවැන්ත සටනකින් අනතුරුව ජයග්‍රහණය කළ 67 හැවිරිදි හිටපු ජපන් ආරක්ෂක අමාත්‍යවරයා පාර්ලිමේන්තුව විසින් නව අගමැති ලෙස තහවුරු කළා.
ඔහු සිය පළමු මාධ්‍ය හමුව අද සවස ටෝකියෝහි දී පැවැත්වීමට නියමිතයි.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
