මේ දිනවල නව රජය යටතේ අමාත්යාංශ ලේකම්වරුන් පත් කෙරෙමින් ඇති පසුබිමක පෙර පාර්ලිමේන්තුවේ ශේෂ පත්රය ගෙන පරීක්ෂා කර බලා එම පත් කිරීම් සිදු කිරීමට අවධානය යොමු කරන ලෙස ප්රජාතන්ත්රීය ප්රතිසංස්කරණ මැතිවරණ අධ්යයන ආයතනයේ විධායක අධ්යක්ෂ මංජුල ගජනායක මහතා වත්මන් ජනාධිපති අනුර කුමාර දිසානායක මහතාගෙන් ඉල්ලා සිටිනවා.
අද (25) විශේෂ මාධ්ය හමුවක් කැඳවමින් මංජුල ගජනායක මහතා ඉල්ලා සිටියේ; පෙර සෞඛ්ය අමාත්යාංශයේ ලේකම්වරයා වන වෛද්ය පාලිත මහීපාලගේ පත්වීම පිළිබඳ ව යළිත් ජනපති හා අගමැති ප්රමුඛ කණ්ඩායම සලකා බලන්නේ නම් වඩාත් සුදුසු බවයි.
ඊට හේතුව ලෙස විධායක අධ්යක්ෂවරයා පෙන්වාදෙන්නේ පසුගිය මැතිවරණ කාලසීමාවල දී සෞඛ්ය අමාත්යාංශය හා එහි ලේකම්වරයා රාජ්ය දේපොළ අවභාවිත කරමින් දේශපාලන පක්ෂ සඳහා හැසිරුණේ කෙසේද යන කාරණය සම්බන්ධයෙන් තවදුරටත් සොයා බැලීම වඩාත් යහපත් දේශපාලන ක්රමයක් සඳහා සුදුසු වනු ඇති බවයි.
එමෙන්ම මහ මැතිවරණය පැවැත්වීම සඳහා වන ගැසට් නිවේදනයට ජනාධිපතිවරයා සිය අත්සන යෙදීම සම්බන්ධයෙන් ද ප්රජාතන්ත්රීය ප්රතිසංස්කරණ මැතිවරණ අධ්යයන ආයතනයේ විධායක අධ්යක්ෂවරයාගේ ස්තුතිය ජනාධිපතිවරයා වෙත පළ කර තිබෙනවා.
ඔහු පෙන්වාදෙන්නේ පසුගිය පාර්ලිමේන්තුවේ කටයුතු කළ මන්ත්රීවරුන්ගෙන් 1/3ක් පමණක් ප්රගතිශීලී දේශපාලනයක නිරත වූ බවත් සෙසු සියල්ල ම සිදු කළේ පක්ෂ මාරු කරමින් කටයුතු කිරීම, කොන්ත්රාත් සපුරා ගැනීම සහ පවුල් නඩත්තු කිරීම බවයි මංජුල ගජනායක මහතා අවධාරණය කර සිටියේ.
එමෙන්ම මහ මැතිවරණයෙන් පසු දෙසැම්බර් හෝ ජනවාරි මස අග දී පළාත් පාලන මැතිවරණය පැවැත්විය හැකි බවත් මෙවර පාර්ලිමේන්තුවට වයස්ගත දේශපාලනය වෙනුවට සියයට 60ක තරුණ දේශපාලන නියෝජනයක් ඒමේ හැකියාවක් පවතින බව ද හෙතෙම වැඩිදුරටත් සඳහන් කළා.
1947 මහ මැතිවරණයෙන් පසුව පැවැත්වෙන රාජ්ය දේපළ අවභාවිත කරමින් පැවැත්වූ දෙවැනි පාර්ලිමේන්තු මැතිවරණය මෙය විය හැකි බවට ද මංජුල ගජනායක මහතා ඉඟි පළ කර තිබෙනවා.
මේ video එකෙයි type කරලා තියෙන 1947 පසුව පැවැත්වෙන මැතිවරණය ගැන කියන කොටසේ අර්ථය වෙනස්.
අවුරුදු ගණනාවකට පස්සේ පත්වෙච්ච හොඳම සෞඛ්ය ලේකම්වරයා මෙතුමා. දේශපාලනයක් ඈඳගෙන සෞඛ්ය ක්ෂේත්රය විනාශ කරන්න හදන්න එපා. මේ වගේ දේවල් ප්රසිද්ධියේ කියන්න කලින් හොඳට කරුණු හොයලා බලන්න
කොහෙන්හරි අටව ගත්ත NGO එකකට අමුතු නමකුත් දාගෙන පණ්ඩිතයො වගේ කියවන රස්තියාදු කාරයන්වත් NGO ත් අහෝසිකර දැමැය යුතුයි. ජනාධිපතිතුමා ගත්ත තීරනයක් මෙි පිස්සන්ට අභියෝග කරන්නතරම් තියෙන දැනුම මොකක්ද? නිලධාරියෙකු ගත්තහම ඒ පුද්ගලයා භාරදූර අමාත්යාංශයක කටයුතු කොයිතරම් අපහසුතා මැද කරල තියෙනවද කියල එය තේරුම් අරන් ඒ ගැන අවබොධයෙන් තමයි ජනාධිපතිතුමා පත්වීම කරල තියෙන්නෙ. කට ඇදකරල පොත්ටිකක් ඉස්සරහ ඉඳන් කතාකරල ජනාතාව නොමග යවනවා විපක්ෂ දේශපාලකයන් වගේම.