ඊශ්රායලය විසින් නො නවත්වා ලෙබනනයට එල්ල කරනු ලබන ප්රහාරවලින් මේ වනවිට (24) සිවිල් වැසියන් 558 දෙනෙකු ජීවිතක්ෂයට පත් ව තිබෙනවා.
අල් – ජසීරා පුවත් සේවය වාර්තා කළේ; ඊශ්රායලය එල්ල කරන ප්රහාරවලට හිස්බුල්ලා සටන්කාමීන් ද ප්රතිචාර දක්වන බවයි.
එබැවින් දෙපාර්ශ්වය ම අතර තීව්ර වූ ගැටුම් උත්සන්න ව ඇති බවත්; මේ හේතුවෙන් පලස්තීනය සහ ඊශ්රායලය යුද ගැටුම් ඇති කරගන්නා සේම ගාසා තීරයේ මෙන් ලක්ෂණ දිස්වන බව ද ඇතැම් විදෙස් මාධ්ය සිරස්තල වාර්තා කරනවා.
ලෙබනන් සෞඛ්ය අමාත්යාංශයට අනුව, ඊශ්රායලය ලෙබනනයේ විවිධ ප්රදේශවලට එල්ල කළ දරුණු බෝම්බ ප්රහාරවලින් ළමුන් 50ක් මියගොස් ඇති අතර තවත් 1858ක් බරපතළ තුවාල ලබා රෝහල්ගත කර ඇති බවත් සඳහන්.
මේ අතර ඊශ්රායලය ගාසා තීරයට එල්ල කරන ප්රහාර අඛණ්ඩව සිදු කර ඇති අතර, පසුගිය පැය 24 කාලය තුළ අවම වශයෙන් පලස්තීනුවන් 12 දෙනෙකුවත් මරා දමා ඇති බවත් වාර්තා වනවා.
