කටුනායක බණ්ඩාරනායක ජාත්‍යන්තර ගුවන් තොටුපොළ ඔස්සේ නීතිවිරෝධී ලෙස මෙම වසරේ මුල් මාස 06ක කාලය තුළ මෙරටට රැගෙන ඒමට තැත් කළ විදේශීය නිෂ්පාදිත දුම්වැටි තොගයක් විනාශ කිරීම අද (01) සිදු කෙරුණා.
රුපියල් හත් කෝටි පනස් ලක්ෂයක් වටිනා විදේශීය දුම්වැටි තොගයක් මෙලෙස විනාශ කිරීමට කටයුතු කර තිබුණා.
පාරිසරික ආරක්ෂාව මුල්කර ගත් ජාතික නීතිරීතිවලට අනුකූලව, දැඩි රෙගුලාසි යටතේ, කොළඹ දුම්කොළ සමාගම් පරිශ්‍රයේ දී මෙම දුම්වැටි තොගය විනාශ කරනු ලැබුවා
එක්සත් අරාබි එමීර් රාජ්‍යය, කටාර්, ඉන්දියාව , කාම්බෝජය සහ චීනය වැනි රටවල්වලින් නීතිවිරෝධී ලෙස මෙරටට රගනේ ආ විවධ සන්නම් නාමයන්ගෙන් යුත් දුම්වැටි ලක්ෂ තිහක් මෙලෙස විනාශකර තිබෙනවා.
ගුවන් මගීන් යොදාගෙන මෙම දුම්වැටි රට තුළට රැගෙන ඒමට තැත් කර තිබූ අතර, රේගු ආඥා පනත යටතේ මෙම ජාවාරම්වලට සම්බන්ධ ගුවන් මගීන්ට දඩුවම් නියම කර ඔවුන් රැගෙන ඒමට තැත් කළ දුම්වැටි රාජසන්තක කිරීමට පියවර ගෙන තිබුණා.
එලෙස 2024 වසරේ පළමු මාස 06 තුළ රාජසන්තක කළ දුම්වැටි තොගයකුයි මෙලෙස විනාශ කරනු ලැබුවේ.
මෙම දුම්වැටි තොගය කෙසේ හෝ ගුවන් තොටුපොළෙන් පිටතට රැගෙන ගියේ නම් ඉන් රජයට අහිමිවන බදු ආදායම රුපියල් හාර කෝටි අසූ ලක්ෂයක්
