ඉන්ධන මිල අඩුකළ ද බස් ගාස්තු අඩු කිරීමේ හැකියාවක් නොමැති බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න පවසනවා.
අද (01) පෙරවරුවේ මාධ්‍ය හමුවක් පවත්වමින් සභාපතිවරයා මේ බව සඳහන් කළ අතර, බස් ගාස්තු ජාතික මිල සූත්‍රයකට අනුව කටයුතු කිරීමට ප්‍රතිපත්තිමය තීරණයකට එළඹ ඇති බවයි ඔහු වැඩිදුරටත් සඳහන් කළේ.
බස් ගාස්තු සංශෝධනය කිරීමේ මිල සූත්‍රය අනුව අවම වශයෙන් ඩීසල් ලීටරයක මිල රුපියල් 25කින් අඩු වුවහොත් මගියාට සහනයක් ලබාදිය හැකි බවයි ඔහු මෙහිදී පැවසුවේ.
රජය විසින් ඊයේ මධ්‍යම රාත්‍රියේ සිට ක්‍රියාත්මකවන පරිදි සිදුකළ ඉන්ධන මිල සංශෝධනයට අනුව ඔටෝ ඩීසල් ලීටරයක් රුපියල් 10කින් සහ සුපිරි ඩීසල් ලීටරයක් රුපියල් 03කින් මිල අඩු කළා.
ඔබේ ප්‍රතිචාරය කුමක්ද ?
+1
+1
+1
+1
1
+1
+1
+1
