බංග්ලාදේශයේ තවදුරටත් ක්‍රියාත්මක වන ප්‍රචණ්ඩ ක්‍රියා අතරතුර හෝටලයකට ගිනි තැබීම හේතුවෙන් එහි සිටි පුද්ගලයින් 24 දෙනෙකුට ආසන්න ප්‍රමාණයක් මියගොස් ඇති බව විදෙස් මාධ්‍ය වාර්තා කර තිබෙනවා.
එම මාධ්‍ය වාර්තා වැඩිදුරටත් සඳහන් කරන්නේ ෂෙයික් හසීනාගේ අවාමි ලීගයේ නායකයෙකුට අයත් හෝටලකට මෙලෙස ගිනි තබා ඇති බවයි.
නොසිතූ මොහොතක සිදුකළ මෙම ගිනිතැබීම හේතුවෙන් එහි ලැඟුම්ගෙන සිටි 24 දෙනෙකු මෙලෙස අවාසනාවන්ත ලෙස මියගොස් තිබෙනවා.
රැකියා කෝටා ක්‍රමයට එරෙහි ව ඇරඹුණු මෙම කැරැල්ල මේ වනවිට ජාතිවාදී ස්වරූපයක් ගෙන ඇති බව විදෙස් මාධ්‍ය වාර්තා කරන්නේ.
මේ වනවිට බංග්ලාදේශයේ අන්තර්වාර රජයක් පත්කිරීමට කටයුතු කර ඇති අතර ශිෂ්‍ය ක්‍රියාකාරීන්ගේ ඉල්ලීමකට අනුව එරට පාර්ලිමේන්තුව ද විසුරුවා හරිනු ලැබුවා.
ජනාධිපතිවරයා විසින් මොහොමඩ් යුනුස් එරට අන්තර්වාර රජයේ අග්‍රාමාත්‍යවරයා ලෙස පත්කර තිබුණා.
