අනුරාධපුරයේ භූ කම්පනයක් (වීඩියෝ හා ඡායාරූප)

අනුරාධපුර – පොතානේගම ප්‍රදේශයට ආසන්නව අද (16) සවස 5.00 පමණ භූ කම්පනයක් සිදු ව තිබෙනවා.

ප්‍රදේශවාසීන් පවසන්නේ; එම ප්‍රදේශයේ මෙවැනි භූ චලනයක් වාර්තා වූ ප්‍රථම අවස්ථාව මෙය බවයි.

අනුරාධපුර සිට කන්තලේ දෙසට කිලෝමීටර 41kmක් නැගෙනහිරින් මෙම භූ කම්පනය හට ගෙන තිබෙනවා.

භූ විද්‍යා සමීක්ෂණ හා පතල් කාර්‍යාංශය පැවසුවේ මෙම භූ කම්පනය රික්ටර් පරිමාණ 2.7 ක පමණ භූ කම්පනයක් බවයි.

කෙසේ වෙතත් මෙම භූ කම්පනයෙන් පුද්ගල හෝ දේපොළ හානි කිසිවක් වාර්තා වී නැති අතර භූ විද්‍යා සමීක්ෂණ හා පතල් කාර්‍යාංශ නිලධාරීන් මේ සම්බන්ධයෙන් වැඩිදුර පරීක්ෂණ සිදු කරනවා.