අනුරාධපුර – කහටගස්දිගිලිය ප්රදේශයේ දී ඇත් දළ යුගලක් සමග පුද්ගලයින් දෙදෙනකු පොලිස් අත්අඩංගුවට ගෙන තිබෙනවා.
එක් සැකකරුවෙකු තමන් විසින් මිලට ගනු ලැබූ ඇත් දළ යුගල වෙනත් අයෙකුට අලෙවි කිරීමට යාමේදීයි පොලිසිය අත්අඩංගුවට ගෙන ඇත්තේ.
එම සැකකරු අදාළ ඇත් දළ රුපියල් ලක්ෂ 05ක පමණ මුදලකට අලෙවි කිරීමට උත්සාහ දරා තිබෙනවා.
සැකකාර පුද්ගලයාව අත්අඩංගුවට ගෙන තිබෙන්නේ පොලිස් උපාය දූතයෙකු මාර්ගයෙන්.
එම ඇත් දළ පොහොර උරයක් තුළ සඟවා තිබියදීයි පොලිස් භාරයට ගෙන ඇත්තේ.
සිද්ධිය සම්බන්ධයෙන් වැඩිදුර විමර්ශන සිදු කිරීම සඳහා අදාළ සැකකරුවන් අනුරාධපුර මහේස්ත්රාත් අධිකරණය වෙත ඉදිරිපත් කිරීමට නියමිතයි.
