කොළඹ වරාය නගර ව්යාපාරික මධ්යස්ථානය, ශ්රී ලංකාව දියුණු ව්යාපාරික කේන්ද්රස්ථානයක් බවට පත්වීමේ සාක්ෂියක් බව අග්රාමාත්ය දිනේෂ් ගුණවර්ධන පවසනවා.
කොළඹ වරාය නගරයේ ව්යාපාරික මධ්යස්ථානය, ඉදිකිරීම් ඇරඹීමේ උත්සවයට අද (12) එක්වෙමින් අග්රාමාත්යවරයා මේ බව සඳහන් කළා.
මෑත කාලයේ ශ්රී ලංකාවේ වඩාත්ම අභිලාෂකාමී සංවර්ධන ව්යාපෘතියේ ආගමනය සනිටුහන් කරන වැදගත්ම සිදුවීම මෙය බවත් වසර දහස් ගණනක සිට ශ්රී ලංකාව වෙළෙඳ හා ආයෝජන සඳහා ඓතිහාසික කේන්ද්රස්ථානයක් වී ඇති බවත් මෙහිදී අග්රාමාත්යවරයා පෙන්වා දුන්නා.
එහිදී වැඩිදුරටත් අදහස් දැක් වූ අග්රාමාත්යවරයා,
“කොළඹ වරාය නගරය යනු ශ්රී ලංකාවේ ආර්ථික හා සමාජීය භූ දර්ශනය යළි නිර්වචනය කිරීම අරමුණු කරගත් ඩොලර් බිලියන ගණනක දූරදර්ශී ව්යාපෘතියක්. ශ්රී ලංකාවේ අගනුවර වන කොළඹ හදවතට යාබදව ගොඩනගන ලද භූමියක ඉදිකරන ලද කොළඹ වරාය නගරය විශ්වීය ජීවන රටාවක්, ලෝක මට්ටමේ යටිතල පහසුකම් සහ තිරසාර ජීවන රටාවක් ලබා දෙනවා. අපි ව්යාපාරවලට නව්යකරණය සඳහා කදිම පරිසරයක් ද ලබා දෙනවා. ශ්රී ලංකාව කලාපයේ ප්රධාන ආර්ථික මධ්යස්ථානයක් බවට පත්වීමට නියමිතව ඇති අතර, කොළඹ වරාය නගරය නිසැකවම එම ක්රියාවලිය වේගවත් කරනු ඇතැයි මට විශ්වාසයි. “දකුණු ආසියාවේ දොරටුව” සහ නැගෙනහිර සහ බටහිර සඳහා මධ්යම කේන්ද්රස්ථානය ලෙස එහි අපේක්ෂාවන් තවදුරටත් තහවුරු කරමින්, අප විසින් ක්රියාත්මක කරන ලද ප්රතිසංස්කරණ සමඟ කොළඹ වරාය නගරය කලාපයේ ව්යාපාර කිරීමට පහසුම ස්ථානයක් බවට පත්වන බව නොඅනුමානයි.”
