ආහාර බෙදාහැරීමේ නියෝජිතයෙකු ලෙස කුවේට් රාජ්යයේ රැකියාවක නිරත වූ ශ්රී ලාංකිකයකුට පුද්ගලයෙකු විසින් වෙඩි තබා ඇති බව වාර්තා වනවා.
පසුගිය ජනවාරි මස 10 වනදා රාජාංගණයේ පදිංචි කේ.පී. ලක්ෂ්මන් තිලකරත්න නැමැති දෙදරු පියෙක් මෙලෙස කුවේට් රාජ්යයේ දී වෙඩි ප්රහාරයකට ලක්ව ඇති බවයි වාර්තා වුණේ.
එදින අලුයම් කාලයේ ලැබුණු ආහාර ඇනවුමක් ලබාදීමට ගිය අවස්ථාවේ දී එම ඇනවුම භාරගැනීමට සිටි පුද්ගලයා ආහාර ඇණවුම ප්රමාද වී ඇති බව පවසා මෙම වෙඩි තැබීම සිදුකර ඇති බවයි තොරතුරු අනාවරණය වී ඇත්තේ.
වෙඩි වැදීමෙන් පසු මෙම ශ්රී ලාංකිකයා මෝටර් රථයෙන් නැවත පැමිණ ඇති අතර, අතර මඟ රථය නවතා තම ඉන්දියානු මිතුරකුට දුරකථන ඇමතුමක් ලබා දී රෝහල් ගතව ඇති බව සඳහන්.
වෙඩි වැදීමෙන් ලක්ෂ්මන්ගේ උදර ප්රදේශයට බරපතළ හානි සිදුව ඇති අතර, එම තුවාලයට මැහුම් 40ක් යොදා තිබෙනවා.
වසර අවුරුදු 09 කාලයක් ලක්ෂ්මන් කුවේට් රාජ්යයේ සේවය කරන අතර, ඔහුගේ බිරිඳ පවසන්නේ තම සැමියා යළි මෙරටට ගෙන්වා දෙන ලෙසයි.
රෝහල් ගතව ප්රතිකාර ලැබූ සිය සැමියා මේ වනවිට රෝහලෙන් පැමිණ කුවේට් හි පිහිටි ශ්රී ලංකා තානාපති කාර්යාලය භාරයේ සිටින බව ඔහුගේ බිරිඳ වැඩිදුරටත් පවසා සිටියා.
