විදේශ රැකියාවන් හි නියුක්තව විදේශගතව සිටින ආදරණීය ශ්‍රී ලාංකිකයන් සහ විදේශ රැකියා සඳහා පිටත්වීමට බලාපොරොත්තුවෙන් සිටින ශ්‍රී ලාංකිකයින් වෙනුවෙන් ” පිටරට ” නමින් රේඩියෝවක් පසුගිය 07 වනදා සිට ආරම්භ වුණා.
එය කම්කරු සහ විදේශ රැකියා අමාත්‍ය මනූෂ නානායක්කාර විසින් ජනගත කරනු ලැබුවා.
මෙම රේඩියෝව මගින් විශේෂයෙන්ම විදේශ රැකියා පිළිබඳව දැනුවත් කිරීම, විදේශ රැකියා නියුක්ති කාර්යාංශයේ පුවත් සහ නිවේදන විකාශය කිරීම, රැකියාවක් සඳහා විදේශ ගත වීමේදී දැනගත යුතු විශේෂ කරුණු, ඒ ඒ රටවල සංස්කෘතිය සහ භාෂාවන් පිළිබඳව කරුණු, නීතිමය කටයුතු පිළිබඳව දැනුවත් කිරීම් ඇතුළු වැඩසටහන් රැසක් විකාශය වනු ඇති.
මීට අමතවර ගීත ඉල්ලීම් වැඩසටහන් , රස වින්දන, සෞන්දර්යාත්මක හා විනෝදාත්මක වැඩසටහන් ද විකාශය කෙරෙනවා.
විදෙස් ගත ශ්‍රී ලාංකික ශ්‍රමිකයන්ගේ ගැටළු අදාළ වගකිවයුත්තන්ට යොමු කිරීම සහ ඒවාට විසඳුම් වැඩසටහන් මගින් ඉදිරිපත් කිරීම ද මෙම රේඩියෝව මගින් සිදුකෙරෙනවා.
විදෙස් ගත ආදරණිය ශ්‍රී ලාංකීය ශ්‍රමිකයන්ගේ ගැටළු සඳහා අමාත්‍යවරයා විසින් පෞද්ගලිකවම පිළිතුරු ලබාදීමේ ක්‍රම වේදයක් ද ළඟදීම මේ හරහා ක්‍රියාත්මක වීමට නියමිතයි.
www.pitarata.net යන වෙබ් අඩවියට පිවිසීමෙන් මෙම රේඩියෝවට සවන් දීමට ඔබට හැකියාව තිබෙනවා.
මෙම වෙබ් පිටුව හරහා රේඩියෝවට අමතරව ශ්‍රී ලංකාව පිලිබඳ පුවත්, ටෙලි නාට්‍ය, වෙනත් රුපවාහිනී වැඩසටහන් ආදී බොහෝ විශේෂාංග ඉදිරිපත් කෙරෙනවා.
මේ වන විට වෙබ් පිටුව හරහා මෙම සියල්ල ඔබට ලැබෙන අතර, නුදුරේදීම මේ සඳහා ඇප් එකක්ද ඔබ අතට පත්වනු ඇති.
