දකුණු සුඩානයේ එක්සත් ජාතීන්ගේ සාම සාධක රාජකාරි සඳහා 10 වන යුද්ධ හමුදා වෛද්‍ය කණ්ඩායම දිවයිනෙන් පිටත්ව ගොස් තිබෙනවා.
එක්සත් ජාතීන්ගේ සාමසාධක රාජකාරි සඳහා දකුණු සුඩානයේ ක්‍රියාත්මක කරන දෙවන මට්ටමේ රෝහලේ රාජකාරී භාරගැනීම සඳහා ශ්‍රී ලංකා යුද්ධ හමුදා වෛද්‍ය බලකායේ 10 වන යුද්ධ හමුදා වෛද්‍ය කණ්ඩායම අද (06) උදෑසන මෙරටින් පිටත්ව ගියා.
මෙරටින් පිටත්ව ගිය 10 වන යුද්ධ හමුදා වෛද්‍ය බලකා කණ්ඩායමට නිලධාරීන් 14 දෙනෙකු, නාවික හමුදාවේ එක් නිලධාරීයෙකු සහ සෙසු නිලයන් 49 දෙනෙකු ඇතුළුව හමුදා සාමාජිකයින් 64 දෙනෙකුගෙන් සමන්විත වුණා.
එම කණ්ඩායමේ අණදෙන නිලධාරී වශයෙන් ලුතිනන් කර්නල් ඩී.එම්.ඩී.ජි දිසානායක ආර්එස්පී යුඑස්පී සහ දෙවන අණදෙන නිලධාරී ලෙස මේජර් එන්. අයි රත්නායක කටයුතු කරනු ලබනවා.
