උරුමය ජාතික මෙහෙයුම් ලේකම් කාර්යාලය ඊයේ (01) ජනාධිපති ලේකම් සමන් ඒකනායක අතින් චැතැම් වීදිය, පැරණි ස්ටෑන්ඩර්ට් චාර්ටඩ් ගොඩනැගිල්ලේ දී විවෘත කෙරුණා.
ජනතාවගේ ඉඩම් අයිතිය සුරක්ෂිත කිරීම වෙනුවෙන් ජනාධිපති රනිල් වික්රමසිංහගේ සංකල්පය මත ගොවි පවුල් ලක්ෂ 20ක් සඳහා නිදහස් ඔප්පු ප්රදානය කිරීමට රජය සැලසුම් කර තිබෙනවා.
උරුමය වැඩසටහන ක්රියාත්මක කිරීම සඳහා මෙවර අයවැය මගින් වෙන්කර ඇති මුදල රුපියල් බිලියන දෙකක්.
ඉඩම් සංවර්ධන ආඥා පනත යටතේ ලබාදුන් ඉඩම් බලපත්ර සියල්ල සින්නක්කර ඔප්පු බවට පත් කර එය භුක්ති විඳි ගොවි ජනතාවට ලබාදීම මෙමඟින් සිදු කෙරෙනවා.
මෙම වැඩසටහන ක්රියාත්මක කිරීමේ දී ප්රජාව වෙතින් ඉදිරිපත් වන ගැටලු සඳහා කඩිනම් විසඳුම් ලබාදීම සහ අදාළ ආයතන සම්බන්ධීකරණය කරමින් මෙහෙයවීමේ යාන්ත්රණය ක්රියාත්මක කිරීම සඳහා ජනාධිපති කාර්යාලය යටතේ “උරුමය” ජාතික මෙහෙයුම් ලේකම් කාර්යාලය ක්රියාත්මකයි.
දීමනා ඔප්පු සම්බන්ධයෙන් පවතින ගැටළු නිරාකරණය කර ගැනීමට හා ලියාපදිංචි වීමට උරුමය ජාතික මෙහෙයුම් ලේකම් කාර්යාලයේ 0114354600-1 දුරකථන අංකය ඇමතීමෙන් හෝ http://tinyurl.com/yb98yhey විද්යුත් ෆෝරමයෙන් ලබාගත හැකියි.
