තාවකාලිකව අත් හිටවූ සෞඛ්ය වැඩ වර්ජනය පෙබරවාරි 01 වනදා නැවත ක්රියාත්මක කිරීමට සෞඛ්ය වෘත්තීය සමිති සංධානය තීරණය කර තිබෙනවා.
සෞඛ්ය සේවයේ වෘත්තීය සමිති 72ක සහභාගීත්වයෙන් අද දින පැවැත්වූ විශේෂ සමුළුවකදී ගත් ඒකමතික තීන්දුවකට අනුවයි මෙම පියවර ගෙන ඇත්තේ.
සෞඛ්ය කාර්ය මණ්ඩලය සඳහා ආර්ථික යුක්තිය ඉටු කිරීම පිළිබඳව ලබා දුන් යෝජනාවලිය සාධාරණ එකක් බව සෞඛ්ය අමාත්යාංශය පිළිගන්නා අතර ජනාධිපතිවරයා පැමිණෙන තෙක් අවශ්ය කාලය ලබා දෙන ලෙස සිදු කරනු ලැබූ ඉල්ලීමට ගරු කරමින් 17 වනදා වර්ජනය අවසන් කර තිබුණා.
එහෙත් බරපතල අසාධාරණ තීන්දු ගනිමින්, අනවශ්ය වර්ජනයක් වෙත සෞඛ්ය සේවාව තල්ලුකර දැමූ සෞඛ්ය අමාත්යාංශයයත් මුදල් අමාත්යාංශයටත් විරෝධය පල කරමින් ලබන 23 වනදා සිට දිවයින පුරා විරෝධාවයන් සිදු කිරීමටයි අද රැස්වූ නායකත්ව සමුළුව ඒකමතිකව තීරණය කර ඇත්තේ.
