ඊයේ (15) රාත්රියේ මෝදර, රන්දිය උයන මහල් නිවාස සංකීර්ණය අසල දී සිදු වූ වෙඩි තැබීම පාතාල කල්ලි දෙකක් අතර පවතින ගැටුමක් බව පොලිසිය පවසනවා.
මෙම වෙඩි තැබීමෙන් රන්දිය උයන මහල් නිවාස සංකීර්ණයේ පදිංචිව සිටි සෙන්දිල් ආරුමුගම් දුෂ්යන්තන් නොහොත් ‘බඩා රංජි’ නැමැත්තා ජීවිතක්ෂයට පත් වුණා.
ත්රිරෝද රථයකින් පැමිණි නාඳුනන පුද්ගලයින් දෙදෙනෙකු විසින් රිවෝල්වර් වර්ගයේ ගිනි අවියකින් මෙම වෙඩි තැබීම සිදුකර පළාගොස් තිබූ අතර, වෙඩි වැදීමෙන් තුවාල ලැබූ 40 හැවිරිදි ‘බඩා රංජි’ නැමැත්තා කොළඹ ජාතික රෝහලට ඇතුළත් කිරීමෙන් පසු මිය ගියා.
මෙම වෙඩි තැබීම පාතාල කල්ලි නායක කංජිපානි ඉම්රාන්ගේ පාර්ශවය විසින් සිදුකර ඇති බවටයි පොලිසිය සැකපළ කරන්නේ.
වෙඩි තැබීමෙන් ජීවිතක්ෂයට පත්වූ ‘බඩා රංජි’ නැමැත්තා, මේ වනවිට විදෙස් ගතව සැඟවී සිටින පූකුඩිකන්නා නැමැති පාතාල සාමාජිකයාගේ ආධාරකරුවෙක් බවයි අනාවරණය වී ඇත්තේ.
පොලිසිය පවසන්නේ දැනට වසර කිහිපයකට පෙර කංජිපානි ඉම්රාන්ගේ පියා කපා කොටා ඝාතනය කිරීමේ සිද්ධියට පළිගැනීමක් වශයෙන්, ඊයේ (15) මෙම වෙඩි තැබීම සිදුකර ඇති බවයි.
සිද්ධිය සම්බන්ධයෙන් මෙතෙක් සැකකරුවන් කිසිවෙකුත් අත්අඩංගුවට ගෙන නොමැති අතර, කොළඹ උතුර පොලිස් කොට්ඨාශය මගින් වැඩිදුර විමර්ශන කටයුතු සිදුකරනු ලබනවා.
