ඊයේ පැවති බංග්ලාදේශ මහ මැතිවරණයෙන් බංග්ලාදේශ ක්රිකට් කණ්ඩායමේ නායක ශකිබ් අල් හසන්ට විශිෂ්ඨ ජයක් හිමි වුණා.
ශකිබ් බංග්ලාදේශ පාර්ලිමේන්තුවේ අසුනක් දිනාගැනීමේ පුවත පළ වී වැඩි කලක් යාමට පෙර ඔහු රසිකයෙකුට කම්මුල් පහරක් එල්ල කිරීමේ සිදුවීමක් මේ වනවිට ආන්දෝලනාත්මක පුවතක් වී තිබෙනවා.
ශකිබ් අල් හසන් අදාළ රසිකයාට පහරදෙන අයුරු දැක්වෙන වීඩියෝවක් ද මේ වනවිට සමාජ මාධ්යවල සංසරණය වනවා.
මෙම සිද්ධිය සිදුවූයේ කවදාද, කොතැනද යන්න නිශ්චිතව නොදන්නා නමුත් බොහෝ දෙනෙක් පවසන්නේ බංග්ලාදේශ ක්රීඩකයා ඡන්දය ප්රකාශ කිරීමට පැමිණි අවස්ථාවේ දී මෙම සිදුවීම සිදුවන්නට ඇති බවයි.
කෙසේ වෙතත් මෙම අනපේක්ෂිත සිදුවීම සම්බන්ධයෙන් ශකිබ් අල් හසන් තවමත් කිසිවක් ප්රකාශ කර නොමැති බව එරට මාධ්ය වාර්තා කරනවා.
ශකිබ්, බටහිර මගුරා නගරයේ ඔහුගේ මැතිවරණ කොට්ඨාශයේ ඡන්ද 150,000 කට වඩා වැඩි ගණනකින් ඔහුගේ ප්රතිවාදියා පරාජය කළ බව දිස්ත්රික් ප්රධාන පරිපාලක අබු නසර් බෙග් පැවසුවා.
බංග්ලාදේශ ක්රිකට් කණ්ඩායමේ නායකයා බංග්ලාදේශ මහ මැතිවරණ සඳහා ඉදිරිපත් වුණේ එරට අගමැතිනී ෂීක් හසීනා නායකත්වය දරන අවාමි ලීගය දේශපාලන පක්ෂයෙන්.
