විදුලිබල මණ්ඩල වෘත්තීය සමිති නායකයෙකු වන රන්ජන් ජයලාල් ඇතුළු පිරිසකට අද දිනයේ ජනාධිපති ලේකම් කාර්යාලය,ජනාධිපති නිල නිවස,මුදල් අමාත්යංශය,මහබැංකුව යන පරිශ්රවලට ඇතුළුවීම වලක්වාලමින් අධිකරණ නියෝගයක් නිකුත් කර තිබෙනවා.
කොළඹ කොටුව මහේස්ත්රාත් අධිකරණයයි මෙම නියෝගය ලබාදී ඇත්තේ.
මහජන පීඩාවක් ඇතිවන ආකාරයෙන් උද්ඝෝෂණ සිදු කරන ලෙසට සහ රාජ්ය දේපළවලට අලාභ හානි සිදු නොකරන ලෙසට ද අදාළ නියෝගයේ සඳහන්.
ලංකා විදුලිබල මණ්ඩලය ප්රතිව්යුහගත කිරීමට අදාළ පනත් කෙටුම්පතට එරෙහිවයි විදුලි සේවකයන් උද්ඝෝෂණයේ නිරත වන්නේ.
විදුලිබල මණ්ඩලය ප්රතිව්යුහගත කිරීමේ පනත් කෙටුම්පතට විරෝධය පළ කරමින් එහි සේවකයින් ආරම්භ කළ වෘත්තීය ක්රියාමාර්ගයේ දෙවැනි දිනය අදයි.
ඔවුන් විරෝධතාවයේ නිරත වුණේ විදුලිය අත්යවශ්ය සේවාවක් බවට පත් කරමින් ගැසට් නිවේදනයක් සහ විදුලිබල මණ්ඩලයේ සේවකයින්ගේ නිවාඩු අවලංගු කරමින් චක්රලේඛයක්ද නිකුත් කර ඇති පසුබිමකයි.
ලංකා විදුලිබල මණ්ඩලයේ ප්රධාන කාර්යාලය ඉදිරිපිටට අද දිනයේත් රැස් වූ විදුලි සේවකයින් විදුලිබල පනත් කෙටුම්පතට සිය විරෝධය පළ කළා.
