මනාලියගේ පාර්ශ්වය විසින් පිළියෙළ කළ නිර්මාංශ නොවන ආහාර වේලට එළු මස් ව්‍යංජනය ලබා නොදීම හේතුවෙන් විවාහ මංගල්‍යයක් අවලංගු කළ පුවතක් ඉන්දියාවේ තෙලන්ගානා ප්‍රාන්තයෙන් වාර්තා වනවා.
මනාලයාගේ පවුලේ සාමාජිකයින් විසින් කෝපයට පත්ව මෙලෙස විවාහ මංගල්‍යය අවලංගු කර ඇති බවයි ඉන්දීය මාධ්‍ය වාර්තා කළේ.
දෙදෙනාගේ විවාහ ගිවිස ගැනීමේ උත්සවය වෙනුවෙන් මනාලියගේ පවුලේ අය මනාලයාගේ ඥාතීන් ඇතුළු අමුත්තන් සඳහා නිර්මාංශ නොවන ආහාර වේලක් පිළියෙළ කර තිබෙනවා.
කෙසේ වෙතත් ඔවුන් එම ආහාර වේල සඳහා එළු මස් ව්‍යංජනය එක්කර නොතිබූ බවයි වාර්තා වන්නේ.
මෙලෙස එළු මස් ව්‍යංජනයක් ආහාර වේල සඳහා එක්කර නොතිබීම තමන්ට සිදුකළ අපාහසයක් බව පවසා ඇති මනාලයාගේ ඥාතීන් එහිදී ගැටුමක් ඇතිකර ගෙන තිබෙනවා.
කෙසේ වෙතත් එම ගැටුම සමථයකට පත්කර ඇති අතර, එහිදී මනාලයාගේ ඥාතීන් චොදනා කර ඇත්තේ මනමාලියගේ පවුලේ අය හිතාමතාම එළුමස් ව්‍යංජනය කෑම මෙනුවේ නොමැති බව තමන්ගෙන් වසන් කළ බවයි.
කෙසේ වෙතත් අවසානයේ මෙම විවාහ මංගල්‍ය සිදුනොවන බව පවසමින් මනාලයාගේ පාර්ශ්වයේ අය පිටව ගොස් ඇති බවයි ඉන්දීය මාධ්‍ය වැඩිදුරටත් තොරතුරු වාර්තා කළේ.
