වත්මනට නොගැලපෙන යල්පැනගිය ක්රමයක් වන පරාටේ නීතිය වෙනස් කර නව පනතක් කඩිනමින් පාර්ලිමේන්තුවට ඉදිරිපත් කරන බව අධිකරණ, බන්ධනාගාර කටයුතු හා ආණ්ඩුක්රම ව්යවස්ථා ප්රතිසංස්කරණ අමාතය ජනාධිපති නීතිඥ, ආචාර්ය විජයදාස රාජපක්ෂ මහතා පවසනවා.
ඔහු මෙම අදහස් පල කලේ සුළු හා මධ්ය පරිමාණ ව්යාපාරිකයින් සමග කොළඹ, බණ්ඩාරණායක සම්මන්ත්රණ ශාලාවේ ජෙස්මින් ශාලාවේදී පැවැති සාකච්ඡාවකට එක්වෙමින්.
පරාටේ නීතිය ලෙස හැදින්වෙන්නේ යම් දේපලක් ඇපයට තබාගෙන බැංකුවක් මගින් ලබාදුන් ගෙවීම පැහැර හරිනු ලබන අවස්ථාවක අධිකරණ ක්රියාවලියකින් තොරව එම දේපළ ප්රසිද්ධ වෙන්දේසියකදී විකුණා අදාල ණය ආපසු අයකර ගැනීම සඳහා බැංකුව සතු බලයයි.
කෙසේ වෙතත් වර්ථමානයේ විවිධ වංචනික ක්රම හරහා විවිධ මූල්ය සමාගම් හා බැංකු මෙම නීතිය අවභාවිත කරණ බවයි අමාත්ය විජයදාස රාජපක්ෂ මහතා පෙන්වා දෙන්නේ.
