ගාල්ල ටැල්බට් පාරේ නිමි ඇඳුම් වෙළඳසැලක ඊයේ (21) රාත්රියේ හටගත් ගින්නක් හේතුවෙන් එම වෙළඳ සැල සම්පූර්ණයෙන්ම විනාශයට පත්ව තිබෙනවා.
ඊයේ රාත්රි 11ට පමණ මෙම ගින්න හටගෙන තිබෙන අතර ඒ පිළිබඳ තොරතුරු වාර්තා වීමත් සමග ගාල්ල මහ නගර සභාවේ ගිනි නිවන ඒකකයේ රථ දෙකක් පැමිණ ගින්න නිවා දැමූ බවයි අප වාර්තාකරු සඳහන් කළේ.
ගිනි නිවන ඒකකය විසින් අවට වෙළඳසැල්වලට ගින්න පැතිරයාම වැලැක්වීමට කටයුතු කල අතර ගිනිගත් වෙළඳසැල අසල පිහිටි අවට වෙළඳ සැල්වල පිරිස තම වෙළඳසැල්වලින් බඩු බාහිරාදිය ඉවත් කිරීමට පියවර ගෙන තිබුණා.
ගින්නෙන් වෙළඳසැලට සිදුවු හානියේ වටිනාකම සහ ගින්නට හේතුව මෙතෙක් අනාවරණය වී නැහැ.
සිද්ධිය සම්බන්ධයෙන් ගාල්ල පොලිසිය වැඩිදුර පරීක්ෂණ සිදු කරනවා.
