ජෝර්දාන දේශසීමාව හරහා ඊශ්රායලයට ඇතුලු වූ ශ්රී ලාංකික කාන්තාවන් දෙදෙනෙකු අත්අඩංගුවට ගෙන ඇතැයි ඊශ්රායලයේ ශ්රී ලංකා තානාපති නිමල් බණ්ඩාර මහතා පවසනවා.
විශේෂ ප්රකාශයක් කරමින් ඔහු සඳහන් කළේ මෙම කාන්තාවන් දෙදෙනාගේ අනන්යතාව තහවුරු කර ගැනීමට මෙතෙක් නොහැකි වූ බවයි.
ඔවුන් දෙදෙනා කවුරුන් ද යන්න සම්බන්ධයෙන් තොරතුරු හෙළි කර ගැනීමට හෙට අවස්ථාක් ලැබෙනු ඇති බව තානාපතිවරයා කියාසිටියා.
මේ අතර මීට දින කිහිපයකට පෙර වෙඩි වැදී තුවා ලැබූ ශ්රී ලාංකිකයා ඊශ්රායලයට පැමිණ ඇත්තේ ද අනවසරයෙන් බවයි ඊශ්රායලයේ ශ්රී ලංකා තානාපතිවරයා පෙන්වා දුන්නේ.
ඔහු මිනිස් ජාවාරම්කරුවන්ට රුපියල් ලක්ෂ 40ක මුදලක් ලබාදී ඊශ්රායලයට පැමිණ ඇතැයි ද අනාවරණ වී තිබෙනවා.
එම පුද්ගලයාට ඊශ්රායලයේ රැඳී සිටීමට වීසා නොමැති වීම හේතුවෙන් ඔහු තුවාල ලැබුව ද අනවසරයෙන් රටට ඇතුලු වී ජීවත් වීම හේතුවෙන් නිත්යානුකූලව ලැබෙන කිසිදු හිමිකමක් ලබා ගැනීමට අවස්ථාව නොමැති බව ද තානාපතිවරයා ප්රකාශ කළා.
