පවතින වියළි කාලගුණ තත්ත්වයත් සමඟ ජල පරිභෝජනය ඉහළ ගොස් ඇති බව ජල සම්පාදන මණ්ඩලයේ නියෝජ්ය සාමාන්ය අධිකාරී අජිත් පෙරේරා පවසනවා.
මාධ්ය වෙත අදහස් දක්වමින් නියෝජ්ය සාමාන්ය අධිකාරීවරයා ජල පාරිභෝගිකයින්ගෙන් ඉල්ලා සිටියේ අත්යවශ්ය නොවන කටයුතු සඳහා පිරිපහදු කළ ජලය පාවිච්චියෙන් වැළකී සිටින ලෙසයි.
එසේ නොවුනහොත් පරිභෝජනය අධිකවීමත් සමඟ ජල සැපයුමේ ගැටළු මතුවිය හැකි බවයි ඔහු වැඩිදුරටත් සඳහන් කළේ.
මේ අතර ගංඟාවලින් මුහුදට ගලායන ජල ප්රමාණය අඩුවීමත් සමඟ මුහුදු ජලය ගංඟාවලට එකතුවීම ආරම්භ වී ඇති බව සඳහන් කළ නියෝජ්ය සාමාන්ය අධිකාරීවරයා, එය ජල පිරිපහදුවට බාධාවක් වී ඇති බවයි පැවසුවේ.
ඊට පිළියමක් ලෙස මුහුදු ජලය ගංඟාවලට එකතුවීම වැළක්වීමේ අරමුණින් ලවන බාධකයක් ඉදිකිරිමට කටයුතු කරන බවයි ඔහු වැඩිදුරටත් පැවසුවේ.
කෙසේ වෙතත් ජල සැපයුම සාමාන්ය පරිදි සිදුකරන බව සඳහන් කළ ජල සම්පාදන මණ්ඩලය, ජල සැපයුමේ ගැටළුවක් මතුවේ නම් එය ජල පරිභෝජනය අධිකවීමත් සමඟ සිදුවිය හැකි බවයි.
