බංග්ලාදේශ අගමැතිනි ෂීක් හසීනා ඉන්දීය ජනාධිපති ද්‍රෞපදි මුර්මු සහ ඉන්දීය අගමැති නරේන්ද්‍ර මෝදි වෙත ත්‍යාග ලෙස මෙම කාලයට ප්‍රචලිත නැවුම් අඹ යවා ඇති බව ඩකා ට්‍රිබියුන් වෙබ් අඩවිය වාර්තා කරනවා.
සුහදතාවයේ සලකුණක් වශයෙන් බංග්ලාදේශ අගමැතිනිය මීට පෙරද ඉන්දීය ප්‍රභූවරුන්ට අඹ ලබාදී තිබුණා.
ඩකා ට්‍රිබියුන් වාර්තා කළේ ඇය ඉන්දීය ජාතික කොංග්‍රසයේ හිටපු නායිකා සෝනියා ගාන්ධිට සහ අනෙකුත් ප්‍රභූවරුන්ට ද අඹ ලබාදුන් බව ඩකා හි ඉන්දීය මහ කොමසාරිස් කාර්යාලය ප්‍රකාශ කළ බවයි.
මෙම වසරේ, ඉන්දීය ප්‍රභූන් වෙත යොමුකළ තෑගි කූඩවලට හිම්සාගර් සහ ලන්ග්‍රා ඇතුළු සුප්‍රසිද්ධ අඹ වර්ග ඇතුළත් වූ බවයි වාර්තා වන්නේ.
රසවත්, උසස් තත්ත්වයේ අඹ වගා කිරීම සඳහා ප්‍රසිද්ධියක් උසුලන්නේ බංග්ලාදේශයේ රාජ්ෂාහි ප්‍රදේශයයි.
වාසනාවකට මෙන්, ගිම්හානය යනු පෝෂ්‍ය පදාර්ථ ගබඩාවක් ද වැනි පළතුරක් වන අඹ ඉදීමට පටන් ගන්නා කාලය ද වනවා.
නවදිල්ලියේ බංග්ලාදේශ මහ කොමසාරිස් කාර්යාලය විසින් අදාළ සම්භාවනීය පුද්ගලයින්ගේ කාර්යාල වෙත බංග්ලාදේශ අගමැතිනියගේ ත්‍යාග භාරදුන් බව ඩකා ට්‍රිබියුන් වැඩිදුරටත් වාර්තා කරනවා.
