කටුනායක ගුවන් තොටුපළේදී පූජ්ය අජාන් බ්රහ්මවංශ හිමියන්ට අපහසුතාවක් ඇති වන පරිදි කටයුතු කර ඇති බවට පැතිරෙන පුවත මුළුමනින්ම අසත්ය බව ශ්රී ලංකන් ගුවන් සේවය අවධාරණය කරනවා.
ඊයේ (31) දින පූජ්ය අජාන් බ්රහ්මවංශ හිමියන්, වෙනත් ගුවන් සේවාවකට අයත් ගුවන් යානයකින් මෙරටින් පිටත්ව යාමට නියමිතව තිබු අතර අදාළ ප්රමාදය සිදුවන අවස්ථාවේදී කඩිනමින් ඉදිරිපත් වී තම ගුවන් සේවයට අයත් ගුවන් යානයක ගමන් කිරීමට උන්වහන්සේට අවස්ථාව ලබාදුන් බවයි ශ්රී ලංකන් ගුවන් සේවය නිවේදනය කළේ.
එබැවින් මෙම සිදුවීම සිදු වන අවස්ථාව වනවිට අජාන් බ්රහ්මවංශ හිමියන් ශ්රී ලංකන් ගුවන් සේවයට අයත් ගුවන් යානයකින් බැංකොක් වෙත හෝ වෙනත් ගමනාන්තයක් වෙත ගමන් කිරීමට නියමිතව නොසිටි බව ශ්රී ලංකන් ගුවන් සේවය අවධාරණය කරනවා.
