බාල වයස්කාර සහෝදරයින් තිදෙනෙකු එක්ව තවත් බාලවයස්කාර පිරිමි දරුවෙකු අමානුෂිකව ඝාතනය කළ පුවතක් අසල්වැසි ඉන්දියාවෙන් වාර්තා වනවා.
මෙලෙස ඝාතනයට ලක්ව ඇත්තේ 12 හැවිරිදි වියේ පසු වූ පිරිමි දරුවෙක් වන අතර, වයස අවුරුදු 16,14 සහ 11 යන වයස්වල පසුවන සහෝදරයින් තිදෙනෙක් මෙම අපරාධය සිදුකර ඇති බවයි වාර්තා වන්නේ.
ඉන්දියාවේ මාධ්ය ප්රදේශ් ප්රාන්තයේ සෙයෝනි ප්රදේශයේ දී මෙම අපරාධය සිදුව ඇති බවයි එරට මාධ්ය වාර්තා කළේ.
සැකකාර බාල වයස්කරුවන් තිදෙනා විසින් 12 හැවිරිදි මිතුරාගේ ගෙළ බයිසිකල් දම්වැලකින් සිරකර, ඔහුගේ හිස මතට ගලක් දමා අනතුරුව තියුණු පිහියකින් ගෙල කපා මෙම ඝාතනය සිදුකර ඇති බවයි පරීක්ෂණ වලදී අනාවරණය වී ඇත්තේ.
අනතුරුව ඔවුන් සිරුර පොලිතින් උරයක දමා නිවස අසල තිබූ ගල් ගොඩකට විසිකර ඇති අතර, කාන්තාවක් විසින් ලේ තැවරී තිබූ පොලිතින් බෑගයක් දැක ඒ පිළිබඳව පොලිසියට කළ දැනුම් දීමකින් අනතුරුවයි ඝාතනයට ලක් වූ දරුවාගේ සිරුර සොයාගෙන ඇත්තේ.
සිද්ධිය සම්බන්ධයෙන් සැකකාර පිරිමි ළමුන් තිදෙනා අත්අඩංගුවට ගැනීමෙන් නතුරුව අධිකරණයට ඉදිරිපත්කර ඇති අතර, එහිදී ඔවුන් දින 14ක කාලයක් විශෝධන මධ්යස්ථානයක රැඳවීමට නියෝග කර තිබෙනවා.
සැකකාර පිරිමි ළමුන් තිදෙනා පසුගිය ඉරිදා අදාළ 12 හැවිරිදි දරුවා ගම්මානයේ පාළු ස්ථානයකට කැඳවාගෙන ගොස් මෙලෙස ඝාතනය කර ඇති බවයි අනාවරණය වී ඇත්තේ.
පැරණි ආරවුලක් මෙම අමානුෂික ඝාතනය පිටුපස ඇති බවට පරීක්ෂණ පවත්වන පොලිසිය සැක පළකරනවා.
