ගෑස් මිල අඩු කිරීමට කටයුතු කළ ද පාන් ඇතුළු බේකරි නිෂ්පාදනවල මිල අඩු කිරීමට හැකියාවක් නොමැති බව සමස්ත ලංකා බේකරි හිමියන්ගේ සංගමය පවසනවා.
එම සංගමයේ සභාපති එන්.කේ. ජයවර්ධන සඳහන් කළේ පාන් මිල අඩුකළ හැක්කේ තිරිඟු පිටි මිල ගණන් අඩු වුවහොත් පමණක් බවයි.
තිරිඟු පිටි කිලෝවක මිල රුපියල් 15.00කින් අඩු කිරීමත් සමඟ අවසන්වරට පාන් ගෙඩියක මිල රුපියල් 10.00කින් අඩු කරනු ලැබුවා.
මේ අතර ගෑස් මිල අඩු කිරීමට තීරණය කළ බව ලිට්රෝ ගෑස් සමාගම ඊයේ (03) සඳහන් කළ අතර, අඩු වූ මිල ගණන් සම්බන්ධයෙන් අද (04) දිනයේ දී එම සමාගමේ සභාපතිවරයා විසින් පාරිභෝගික ජනතාව දැනුවත් කළා.
අනුව එම සමාගම තීරණය කළේ කිලෝ ග්රෑම් 12.5ක ගෑස් සිලින්ඩරයක් රුපියල් 1,005 කින් අඩු කිරීමටයි.
මේ අතර ලිට්රෝ ගෑස් සමාගම ගත් මෙම තීරණයත් සමඟ ලාෆ්ස් ගෑස් මිල ද සංශෝධනය කිරීමට බලාපොරොත්තු වන බව එම සමාගම පැවසුවා.
