ඉන්දියානු රාජ්ය බැංකුව ශ්රී ලංකාවේ අපනයනය සඳහා සිය පළමු ඩොලර් නොවන ගනුදෙනුව සටහන් කරමින් ශ්රී ලංකා රුපියල්වලින් ගෙවීමෙන් අවසන් කර තිබෙනවා.
ඇමරිකානු ඩොලර් හිඟ රටවල් වෙළඳ යාන්ත්රණයට ගෙන ඒමට ඉන්දියාව අපේක්ෂා කරන බැවින් මෙම පියවර ගෙන ඇති බවයි වාර්තා වන්නේ.
ශ්රී ලංකාව නිදහස ලැබීමෙන් පසු ඩොලර් හිඟයක් හේතුවෙන් ඇති වූ දරුණුතම ආර්ථික අර්බුදය සමඟ තවමත් පොරබදමින් සිටින බව ඉන්දීය මාධ්ය පෙන්වා දෙනවා.
රුපියල්වලින් ද්වීපාර්ශ්වික වෙළඳාම් කිරීම සඳහා ඉන්දියානු රාජ්ය බැංකුව සමඟ ‘වොස්ට්රෝ ගිණුම්’ විවෘත කිරීමට ශ්රී ලංකාවේ බැංකුවලට පසුගිය දා අවසර හිමිවුණා.
ශ්රී ලංකාව සමඟ රුපියල්වලින් වෙළඳාම් කිරීම සඳහා වොස්ට්රෝ ගිණුම් පහක් විවෘත කිරීමට ඉන්දීය සංචිත බැංකුව ද අනුමැතිය ලබා දී තිබෙනවා.
ජාත්යන්තර ගනුදෙනු සඳහා ඇමෙරිකානු ඩොලර් සහ අනෙකුත් විශාල මුදල් ඒකක වෙනුවට රුපියල් භාවිත කිරීමේ යාන්ත්රණයට රටවල් ගණනාවක උනන්දුව ඇතිවෙමින් පවතින බවයි වාර්තා වන්නේ.
