ජාතික ජන බලවේගයේ විරෝධතාවට කඳුළු ගෑස් එල්ලකිරීම ගැන පොලිස්පතිගෙන් වාර්තාවක් ඉල්ලයි

ජාතික ජන බලවේගයේ විරෝධතාවට ඊයේ (26) ජල හා කඳුළු ගෑස් ප්‍රහාරයක් එල්ලවීම පිළිබදව පැය 24 ක් තුල වහාම වාර්තාවක් ලබා දෙන ලෙස ශ්‍රී ලංකා මානව හිමිකම් කොමිෂන් සභාව පොලිස්පතිවරයාට දන්වා සිටිනවා.

එම කොමිෂන් සභාව නිවේදනයක් නිකුත් කරමින් පවසන්නේ අධිකරණය තහනම් නොකළ ප්‍රදේශයක ගෙන ගිය මෙම විරෝධතාවට පොලිසිය ජල හා කඳුළු ගෑස් ප්‍රහාරයක් එල්ල කිරීම හා එයින් 28 දෙනෙකු තුවාල ලැබීම පිළිබදව තමන් පරීක්ෂණයක් ආරම්භ කළ බවයි.