වෙළඳුන් සහ ජාවාරම්කරුවන් පකිස්ථානයේ සිට දේශසීමා ඔස්සේ දිනපතා ඩොලර් මිලියන 05ක් පමණ ඇෆ්ගනිස්තානයට ගෙන එන බවට The Express Tribune පුවත්පත වාර්තා කර තිබෙනවා.
පකිස්ථානයේ විනිමය සමාගම් සංගමයේ ප්රධාන ලේකම් මුහම්මද් සෆාර් පැරචා පවසන පරිදි එය ඇෆ්ගනිස්ථානයේ මහ බැංකුව සතියකට වෙළඳපොළට යොමු කරන ඩොලර් මිලියන 17ටත් වඩා වැඩිය.
පාකිස්ථානය මුහුණ දෙමින් සිටින ආර්ථික අර්බුදය තවත් උග්ර කිරීමට මෙම ජාවාරම හේතු වී ඇති බවයි විදෙස් මාධ්ය වාර්තා කරන්නේ.
මෙම නීති විරෝධී මුදල් ප්රවාහයන් පෙන්නුම් කරන්නේ 2021 වසරේදී රට අත්පත් කර ගැනීමෙන් පසු තලේබාන්වරු සම්බාධක මඟ හැරීම සඳහා යොදාගත් උපක්රමවල තරමයි.
දේශසීමා හරහා ගමන් කරන එළවළු ට්රක් රථවල සඟවා මුදල් නෝට්ටු ප්රවාහනය කරන බවටයි අනාවරණ වී ඇත්තේ.
බොහෝ විට මෙම ට්රක් රථ රේගු ස්කෑනර් යන්ත්ර මඟ හරින අතර දොඩම් කූඩයේ සිට ඉතා කුඩා ආහාර ද්රව්ය හරහා එක්සත් ජනපද ඩොලර් ජාවාරම් කරන බව විදෙස් වාර්තාවල සඳහන්.
මෙම ජාවාරම පකිස්ථානයේ විදේශ සංචිත ක්ෂය වීමටත් රුපියලේ අගය පහත වැටීමටත් හේතු වී තිබෙනවා.
ඩොලර් ජාවාරමට සම්බන්ධ අය කලාපයේ මුදල් ඒකාධිකාරය සඳහා බොහෝවිට යොදා ගෙන ඇත්තේ හවාලා ක්රමයයි.
එය රජයේ කිසිඳු රෙගුලාසියකින් තොරව සමාන්තර ආර්ථිකයක් පවත්වා ගෙන යාමට උපකාරී වන ක්රමයක් ලෙස ප්රකට වී තිබෙනවා.
