මංගල්ලේ දවසේ අක්සාර් පටෙල්ගේ රංගනය සමාජ මාධ්‍ය කළඹයි (වීඩියෝ)

ඉන්දීය තුන් ඉරියව් ක්‍රීඩක අක්සාර් පටෙල් ඊයේ (26) යුග දිවියට පිවිසියා.

29 හැවිරිදි අක්සාර් පටෙල් වඩෝදරා හිදී මෙලෙස විවාහ වුණේ මේහා පටෙල් සමඟයි.

මෙම තුන් ඉරියව් ක්‍රීඩකයාගේ විවාහ උත්සවය වෙනුවෙන් පවුලේ අය සහ ක්‍රිකට් ක්‍රීඩකයින් රැසක් සහභාගීව සිටි බවයි වාර්තා වුණේ.

මේ අතර, ඔහුගේ විවාහ උත්සවයේ දී සිය බිරිඳ සමඟ නර්තනයක යෙදෙන වීඩියෝවක් මේ වනවිට සමාජ මාධ්‍යයේ සැරිසරනවා.

මේ වනවිට ඒ සම්බන්ධයෙන් බොහෝ දෙනෙකුගේ අවදානයට ලක්ව ඇති අතර, ඊට හිමිව ඇති ප්‍රතිචාර ද ඉතා ඉහළයි.

විවාහ උත්සවය හේතුවෙන් නවසීලන්තයට එරෙහි තරඟාවලිය ද ඔහුට මඟ හැරී ගියා.