මීරිගම – පස්යාල මාර්ගයේ කොටකන්ද හංදිය ආසන්නයේ දී ඊයේ (14) සිදුවූ රිය අනතුරකින් දෙදෙනෙකු ජීවිතක්ෂයට පත්ව තිබෙනවා.
මෙලෙස ජීවිතක්ෂයට පවත් ඇත්තේ 54 හැවිරිදි කල්එලිය ප්‍රදේශයේ පදිංචිකරුවෙක් සහ ඔහුගේ 14 හැවිදිරි දියණිය බවයි පොලිසිය සඳහන් කළේ.
මීරිගම දෙස සිට පස්යාල දෙසට ධාවනය වූ මෝටර් රථයක් මාර්ගයේ ගමන් කරමින් සිටි මෙම පියා සහ දියණිය අනතුරට ලක්කර පලාගොස් ඇති බවයි වාර්තා වුණේ.
අනතුරින් බරපතළ තත්ත්වයේ පසුවූ ඔවුන් දෙදෙනා මීරිගම රෝහලට ඇතුළත් කිරීමෙන් පසු මියගොස් ඇති බවයි පොලිසිය වැඩිදුරටත් සඳහන් කර සිටියේ.
දියණිය උපකාරක පංති නිමව පියා විසින් නිවසට කැඳවාගෙන එමින් සිටිය දී මෙම අවාසනාවන්ත අනතුරට මුහුණ පා ඇති බවයි වාර්තා වන්නේ.
අනතුර සිදුකර පලාගිය මෝටර් රථයේ රියදුරු පල්ලේවෙල පොලිසිය විසින් අත්අඩංගුවට ගෙන ඇති අතර, පසුව සිදුකළ වෛද්‍ය පරීක්ෂණයක දී ඔහු බීමතින් සිට ඇති බවට අනාවරණය වී තිබෙනවා.
අනතුර සම්බන්ධයෙන් පල්ලේවෙල පොලිසිය වැඩිදුර පරීක්ෂණ සිදුකරණු ලබනවා.
