කාන්තාවකගේ වේශ නිරූපණ කට්ටලයේ ඇති වැදගත්ම අංගය බොහෝ විට ලිප්ස්ටික් විය හැකිය. වේශ නිරූපණ කට්ටලය ලිප්ස්ටික් නොමැතිව සම්පූර්ණ නොවේ.ඒවා ඔබේ සිරුරට අලංකාරයක් එක් කරනවාට සැක නැත.
නමුත්, කුමන වියදමකින්ද? ලිප්ස්ටික් එහි නිෂ්පාදන ද්රව්ය නිසා නොවැළැක්විය හැකි අතුරු ආබාධ සමඟ පැමිණේ. කාන්තාවන් නිවසින් පිටවන විට ලිප්ස්ටික් අනිවාර්ය කර ගනියි.දවස පුරා එය දිගටම පවතියි
බොහෝ ලිප්ස්ටික් වල ඊයම් අඩංගු වන අතර එය අතිශයින්ම හානිකර වන අතර ආපසු හැරවිය නොහැකි සෞඛ්ය හානියක් සිදු කරයි. ඒවා තොල්වල සහ අවට සමෙහි අසාත්මිකතා, සහ ඉරිතැලීම් ඇති කරයි. ඇතැම් හානිකර රසායනික ද්රව්ය වලට පිළිකා ඇති කළ හැක.
නිතිපතා ලිප්ස්ටික් භාවිතා කිරීමේ හානිකර අතුරු ආබාධ කිහිපයක් මෙන්න.
වකුගඩු අකර්මණ්ය වීමට හේතු වේ
ලිප්ස්ටික් වල කැඩ්මියම්, මැග්නීසියම් සහ ක්රෝමියම් වැනි හානිකර බැර ලෝහ අඩංගු වේ. මෙම සියලුම ලෝහ භයානක රෝග හා අවයව හානි ඇති කළ හැකිය. කැඩ්මියම් ඉතා ඉහළ ප්රමාණයක් වකුගඩු අකර්මණ්ය වීමේ අවදානම වැඩි කරයි. නිතර ලිප්ස්ටික් යෙදීමෙන් උදරයේ දරුණු පිළිකා ඇති විය හැක.
ස්නායු පද්ධතියට හානිකර වේ
බොහෝ ලිප්ස්ටික් වල ඊයම් පොදු සංඝටකයකි. ඊයම් යනු ස්නායු පද්ධතියට අහිතකර බලපෑමක් ඇති කරන නියුරොටොක්සින් වර්ගයකි. එය මොළයට හානි වීම, හෝමෝන අසමතුලිතතාවය සහ වඳභාවයට ද හේතු විය හැක.
ඛනිජ රසායනික ද්රව්ය වර්ධනයට බලපෑම් කළ හැකිය
බොහෝ ලිප්ස්ටික් වල හානිකර අතුරු ආබාධ ඇති පොදු අමුද්රව්යයක් ලෙස පෙට්රෝ රසායනික ඇත. පෙට්රෝ රසායන යනු බොරතෙල් සහ ස්වාභාවික වායුවල අතුරු නිෂ්පාදනයකි. එය වර්ධනය, සංවර්ධනය, ප්රජනනය සහ බුද්ධිය සඳහා බාධාවක් ලෙස ක්රියා කරන අන්තරාසර්ග බාධා ඇති කළ හැකිය.
ලිප්ස්ටික් වල භාවිතා කරන කල් තබා ගන්නා ද්රව්ය පිළිකා ඇති කරයි
ලිප්ස්ටික් වල භාවිතා කරන කල් තබා ගන්නා ද්රව්ය වන්නේ ෆෝමල්ඩිහයිඩ් සහ පැරබීන් වන අතර ඒවා පිළිකා කාරක වේ. මෙම කල් තබා ගන්නා ද්රව්ය භාවිතා කරන ලිප්ස්ටික් කැස්ස, හුස්ම හිරවීම ඇති කරයි. ලිප්ස්ටික් වල භාවිතා කරන ඛනිජ තෙල් සමේ සිදුරු අවහිර කරන අතර බොහෝ ස්ථිර හානිකර බලපෑම් වලට වගකිව යුතුය.
ලිප්ස්ටික් වල ඇති රසායනික ද්රව්ය ශරීරයට හානි කරයි
Bismuth oxychloride යනු තොල් ආලේපන කල් තබා ගැනීම සඳහා භාවිතා කරන රසායනික ද්රව්යයක් වුවද, එය ශරීරයට අතිශයින්ම හානිකර ය. ලිප්ස්ටික් වල හානිකර බලපෑම මෙම සංඝටකයේ පිළිකා කාරක ගුණය නිසාය. Propylparabens ෆෝමල්ඩිහයිඩ් මෙන් කල් තබා ගන්නා ද්රව්ය ලෙස ක්රියා කරයි.
සටහන-සචිනි සත්සරණි ප්රේමරත්න
