95 වන ඇකඩමි හෙවත් ඔස්කාර් සම්මාන උළෙල ඇමරිකාවේ ලොස් ඇන්ජලීස් නුවර ඩොල්බි රඟහලේ දී ආරම්භ වුණා.
මෙවර සම්මාන රාත්‍රියේ දී හොඳම සහාය නළුවාට හිමි ඔස්කාර් සම්මානය “Everything Everywhere All at Once” චිත්‍රපටයේ රංගනය වෙනුවෙන් කී හේ ක්වෑන් හිමිකර ගත්තා.
හොඳම සහාය නිළියට හිමි සම්මානය ද එම චිත්‍රපටයේ රඟපෑ ජේමි ලී කර්ටිස් විසින් හිමිකර ගැනීම විශේෂත්වයක්.
මේ අතර 2023 ඔස්කාර් සම්මාන රාත්‍රියේ හොඳම නළුවට හිමි සම්මානය දිනාගැනීමට “The Whale” චිත්‍රපටයේ රංගන වෙනුවෙන් බ්‍රෙන්ඩන් ෆ්‍රේසර්ට හැකියාව ලැබුණා.
මෙවර ඔස්කාර් සම්මාන රාත්‍රියේ හොඳම නිළියට හිමි සම්මානය මිෂෙල් යෝහ් හිමිකර ගත්තේ “Everything Everywhere All at Once” චිත්‍රපටයේ සිදුකළ රංගනය වෙනුවෙන්.
“Everything Everywhere All at Once” චිත්‍රපටය අධ්‍යක්ෂණය කළ ඩැනියෙල් ක්වාන් සහ ඩැනියෙල් ෂයිනර්ට් හොඳම අධ්‍යක්ෂණයට හිමි ඔස්කාර් සම්මානය මෙවර හිමිකර ගත්තා.
මේ අතර අතිශය ජනාදරයට පාත්‍ර වූ RRR තෙළෙඟු සිනමාපටයේ එන නාටු නාටු ගීතය මෙවර ඔස්කාර් සම්මානයට පාත්‍ර වුණේ හොඳම චිත්‍රපට ගීතය ලෙසටයි.
