spot_img
spot_img
spot_img
AFC Banner
Empty Ad
Empty Ad

29 වන වතාවටත් ජීවිත අවදානම් ගමනේ ගිය ‘එවරස්ට් මිනිසා’ (ඡායාරූප)

‘එවරස්ට් මිනිසා’ ලෙස හඳුවන්වනු ලබන “කමි රීටා” 29 වන වරටත් එවරස්ට් කඳු මුදුන තරණය කරමින් තමන්ගේ ම වාර්තාව බිඳ දමා තිබෙනවා.

ලොව උසම කන්ද ලෙස සැලකෙන එවරස්ට් කඳු මුදුන වැඩිම අවස්ථා ගණනක් තරණය කළ පුද්ගලයා බවට මෙම නේපාල ජාතිකයා පත් වනවා.

විදෙස් මාධ්‍ය වාර්තා කළේ ඊයේ අලුයම කමි රීටා විසින් මීටර් 8,849ක් උසැති එවරස්ට් කඳු මුදුනට 29 වන වතාවටත් ළඟා වූ බවයි.

කමි රීටා යහපත් සෞඛ්‍ය තත්ත්වයෙන් පසුවන බවත්, මේ වන විටත් කන්දේ ඔහු පහළ කඳවුරු වෙත පැමිණීමට යළි ගමන් ආරම්භ කර ඇති බවයි විදෙස් මාධ්‍ය තොරතුරු වාර්තා කරන්නේ.

1994 වසරේ දී “කමි රීටා පළමුවරට එවරස්ට් තරණය කර ඇති බවයි වාර්තා වන්නේ.

එතැන් සිට සෑම වසරකම පාහේ ඔහු එවරස්ට් කන්ද තරණය කිරීමේ ජීවිත අවදානම් ගමනට පුරුදු වී සිටි අතර, ඒ හේතුවෙන් ඔහුව ‘එවරස්ට් මිනිසා’ යන අන්වර්ථ නාමයේ ද හඳුන්වනු ලබනවා.

ඔහු විදේශීය කඳු නගින්නන් සඳහා මාර්ගෝපදේශකයෙකු (ෂර්පා) ලෙස කීර්තියක් ගොඩනගාගෙන ඇති අයෙක්.

මේ අතර පසුගිය වසරේ කඳු නගින්නන් 600 කට වැඩි පිරිසක් එවරස්ට් කඳු මුදුන තරණය සඳහා එක්ව ඇති අතර, ඉන් 18 දෙනෙකුට ජීවිත අහිමි වුණා.

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
0
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?