2025 අයවැය කාරක සභා අවස්ථා විවාදය අද (27) ආරම්භ වුණා.
අද පෙරවරු 9.30ට කතානායක වෛද්ය ජගත් වික්රමරත්න මහතාගේ ප්රධානත්වයෙන් පාර්ලිමේන්තුව මේ සඳහා රැස් වූ බවයි දැක්වෙන්නේ.
පසුගියදා (24) අයවැය විසර්ජන පනත් කෙටුම්පත දෙවැනි වර කියැවීමේ ඡන්ද විමසීම සිදු කෙරුණා.
එහිදී පක්ෂ ව ඡන්ද 155ක් හිමිවුණා.
විපක්ෂ ව ලැබුණු ඡන්ද ගණන 46ක්.
කිසිවෙකුත් අයවැයට දෙවැනි වර ඡන්දය ප්රකාශ කිරීමේ දී ඊට ඡන්දය දීමෙන් වැළකී සිටියේ නැහැ.
2025 අයවැය විසර්ජනත පනත දෙවැනි වර කියවීම වැඩි ඡන්ද 109කින් සම්මත කෙරුණා.
ඉන් පසුව අගමැතිනිය ප්රකාශ කළේ අද දිනයේ දී පාර්ලිමේන්තු කාරක සභාව රැස්විය යුතු බවටයි.
පෙබරවාරි 18 සිට පෙබරවාරි 25 දක්වා, දින 7ක් විසර්ජන පනත් කෙටුම්පත (අයවැය) දෙවැනි වර කියවීමේ විවාදය පැවැත්වුණු අතර එහි ඡන්ද විමසීමේ කටයුතුයි එලෙස එදින අවසන් කෙරුණේ.
මේ අනුව කාරක සභා අවස්ථා විවාදය පෙබරවාරි 27 සිට මාර්තු 21 වැනිදා දක්වා දින 19 ක් පැවැත්වීමට ද තීරණය කෙරුණා.
