ජාතික ජන බලවේග රජයේ පළමු අයවැය අද (17) දින පාර්ලිමේන්තුවට ඉදිරිපත් කිරීමට නියමිතයි.
මුදල් අමාත්‍යවරයා ලෙස ජනාධිපති අනුර කුමාර දිසානායක මෙම අයවැය අද දිනයේ පාර්ලිමේන්තුවට ඉදිරිපත් කරන අතර, ඔහු විසින් ඉදිරිපත් කරනු ලබන මංගල අයවැය මෙයවීම ද විශේෂත්වයක්.
ඒ, අනුව අද (17) පෙරවරු 10.30ට අනුර කුමාර දිසානායක ජනාධිපතිවරයා 2025 අයවැය පාර්ලිමේන්තුවට ඉදිරිපත් කිරීමට නියමිතයි.
මේ අතර අයවැය දෙවන වර කියවීමේ විවාදය පෙබරවාරි 18 වනදා සිට පෙබරවාරි 25 වනදා දක්වා දින 07ක කාලයක් පැවැත්වීමට නියමිත අතර; දෙවන වර කියවීමේ ඡන්ද විමසීම 25 වනදා පස්වරු 6.00ට පැවැත් වෙනවා.
විසර්ජන පනත් කෙටුම්පතට අදාළ කාරක සභා අවස්ථා විවාදය පෙබරවාරි මස 27 වන දින ආරම්භ වී එම විවාදය මාර්තු මස 21 වනදා දක්වා දින 19ක කාලයක් පැවැත්වීමටයි සැලසුම්කර ඇත්තේ.
ඊට අදාළ ඡන්ද විමසීම 21 වනදා පස්වරු 6.300ට පැවැත් වෙන බවයි පාර්ලිමේන්තු මහා ලේකම් කාර්යාලය නිවේදනය කළේ.
2025 අයවැය; “දසත” නිල ෆේස්බුක් පිටුවෙන් සහ යූටියුබ් නාළිකාවෙන් සජීවීව නැරඹීමේ හැකියාව පවතිනවා.
