මෙවර ආසියානු කුසලානය ක්රිකට් තරගාවලිය පාකිස්ථානයෙන් ඉවත් කිරීම සම්බන්ධයෙන් ශ්රී ලංකා සහ බංගලාදේශ ක්රිකට් පාලක මණ්ඩල, ඉන්දීය ක්රිකට් පාලක මණ්ඩලයට (BCCI) සහාය පළ කර ඇති බව පාකිස්ථාන මාධ්ය වාර්තා කරනවා.
එම මාධ්ය වාර්තාවල දැක්වෙන්නේ 2023 ආසියානු කුසලාන ක්රිකට් තරගාවලිය පාකිස්ථානයෙන් පිටතට ගෙන ගියහොත් ඊට සත්කාරකත්වය ලබාදීමට ශ්රී ලංකාව සහ බංග්ලාදේශය යන රටවල් දෙකම කැමැත්තෙන් සිටින බවයි.
මේ අතර ශ්රී ලංකා ක්රිකට් ආයතනය එවැනි තීරණය සඳහා සහාය පළ කර ඇද්ද යන්න සම්බධයෙන් අප එම ආයතනයෙන් විමසා සිටියේ.
එහිදී ශ්රී ලංකා ක්රිකට් ආයතනයේ ලේකම් මොහාන් ද සිල්වා පැවසුවේ එවැනි තීරණයක් ක්රිකට් ආයතන විසින් ගෙන නොමැති බවයි.
එමෙන්ම ඉන්දීය ක්රිකට් ආයතන විසින් එවැනි ඉල්ලීමක් සිදුකර නොමැති බවත් සඳහන් කර සිටියා.
මෙවර ආසියානු කුසලානය සඳහා තම කණ්ඩායම පාකිස්ථානයට යැවීම ඉන්දීය ක්රිකට් පාලක මණ්ඩලය ආරම්භයේ සිටම ප්රතික්ෂේප කර සිටියා.
ඒ, අනුව මෙම තරගාවලිය වෙනත් මධ්යස්ථ ස්ථානයක පැවැත්වීමටයි ලොව ප්රබලතම ක්රිකට් පාලක මණ්ඩලය වන ඉන්දීය ක්රිකට් පාලක මණ්ඩලය උනන්දු වුණේ.
2023 ආසියානු කුසලානය ක්රිකට් තරගවලිය සඳහා සත්කාරකත්වය පාකිස්ථානයට හිමිව තිබෙනවා.
